2018an, Alternatiba berriz Baionan

PrintFriendly and PDF

carroussel [Converti]Lehen alternatiben herrixkaren arrakasta duela 5 urte iragan ondoren, Alternatiba berriz etorriko da Baionara, 2018ko urriaren 6 eta 7an. Ezina ekinez egina dela erakusteko 1000 laguntzaileren parte hartzearekin antolatua izanen da eta bertan 30 000 pertsonari ongi etorria egiteko xedea dute antolatzaileek.

Alternatibaren lehen edizioaren karietara, Bizik antolatu aldaketa klimatikoari eta krisi energetikoari aurre egiteko Alternatiben herrixkan, 12 000 pertsona hurbildu ziren Baionara 2013an, GIEC-aren 5. txostena argitaratu eta zenbait egun berantago. Sekulako oihartzuna izan zuen, Euskal Herritik askoz haratago ere. Honen eraginez, beste 130 Alternatiba antolatu dira Euskal Herrian, Frantzian, Europan, baita Senegalen edo Haitin ere. 700 000 pertsona inguruk parte hartu izan dute gertakizun hauetan eta herritar dinamika berri honek eginkizun garrantzitsua bete du klimaren aldeko mugimenduetan eta trantsizio sozial eta energetikoaren aldeko lanean, COP21aren denboran eta ondotik ere bai. Abentura harrigarri honi buruz egin den filma («Irrintzina, la génération climat»), zinegeletan ikusgai da garai hauetan.

Bizi!k bere agirian adierazi duen bezala Alternatiba berriz antolatuko da Baionan 2018ko urriaren 6an, larunbatarekin eta 7an, igandearekin. Garrantzi berezia ukanen du eta oihartzun handikoa izanen da, ikusiz Baionan lehen aldikotz antolatu zelarik zenbat gauza eragin zuen. 1 000 boluntariok baino gehiagok antolaturik izanen da, GIEC-aren 1,5°C txostenaren argitaratzea baino zenbait egun berantago eta bertan 30 000 pertsona igurikatuak dira.

Horrez gain, 2018ko urriaren 6a, Alternatiba itzuliaren azken etapa izanen da. 2018ko Alternatiba Itzulia, desafio klimatikoari buruzko alimaleko sentsibilizazio operazioa da, 2018ko ekainaren 9an Parisetik abiatuko dena, 5700 km kurrituko dituenak 5 europar herrialde zeharkatuz eta 200 eskualde desberdinetan geldituz, Baionan urriaren 6an, 17:00etan bukatzeko. Azken etapak, goizez Donostia eta Miarritze lotuko ditu eta arratsaldean Miarritze eta Baiona, honek txirrindiraultza baten itxura hartuz. Baionan Alternatiba itzulia heldu ondoren mitin eta besta batek segida hartuko dute. Urriaren 7an igandez, biharko munduari buruzko trantsizio herrixka Baionako bihotz-bihotzean muntatuko da. Honek aldaketa klimatikoa eta krisi sozial eta ekologikoaren aitzinean, hautubideak, gizabanakoak, kolektiboak, lurraldekoak eta sistemikoak aurkeztuko ditu.

minisiteTourTrace-1

Klika Irudian Alternatiba 2018 Itzuliari buruz xehetasun guziak ukaiteko: https://tour.alternatiba.eu

 

2018ko edizio honen helburu (eta aitzinatzen duen Alternatiba itzulia) dira aldi berean:

  • INDCS (berotegi efektuko gasen isurketak moteltzeko herrialdeen engaiamenduak) berrikusarazteko nazioarteko mobilizazioa bultzatzea eta miaketak, erauzketak eta erregai fosil eta nuklearrei ematen zaizkien diru-laguntzak geldiaraztea.
  • Aldaketa klimatikoaren kontrako hautubide zehatzen heina aldatzearen lantzea, halaber lurraldeen neurritasun eta trantsizio energetiko, ekologiko eta sozial sailetako egitasmoen definizioa eta promozioa.

Jendarte jasangarri, zuzen, solidario eta sinpleki bizigarriaren eraikuntzarentzat memento garrantzitsu eta oinarrikoa izanen den asteburu hau oraindanik bere agendan ezartzeko gomendioa egiten du Bizi! mugimenduak jendarteari.

Ez da dudarik klima ekintzalari eta euskal altermundialista bezala ezagutua den Bizi!rentzat Alternatibarekin, trantsizioa hemen dela, eta elkarrekin, sekulako indarra girela. 2018 urtean ere, jendarte gero eta zabalago batek,  « Sistema alda dezagun, eta ez klima! » lema gauzatzeko bideak ezagutzeko paradak izanen dituela.

Alternatiba2018

Laisser un commentaire

Votre e-mail ne sera jamais publié ni communiqué. Les champs obligatoires sont indiqués par *

Connect with Facebook

*
*

Vous pouvez utiliser ces balises et attributs HTML <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>