Salbuespen egoerari ez

LarrialdiaAzaroaren 13ko atentatuen ondotik gobernuak hartu salbuespeneko neurriak gaitzestekoak dira eskubide zibilen kontrakoak direlako eta iraunkor bilaka daitezen irrisku haundia delako. Aterabidea bestelakoa da.

Pariseko atentatuen aitzinean, lehenik eta behin, bistan denez, gure arbuia eta elkartasuna sentikorrena adierazi behar diegu biktimen senitartekoei. Bihotzak eta sentimenduek manatzen duten lehen adierazpen hori egin ondoan, gertakizun bortitz hauen inguruan buruarekin “arrazionalki” gogoetatzen entseatzen naizenean, bi denbora etortzen zaizkit gogora.

Lehena, urte bateko perspektibarena. 2015eko urtea Charlie Hebdo-ren kontrako erasoarekin hasi genuen. Hor ere, lehen erreakzioa arbuia eta elkartasunarena. Erahilak izan ziren Charlie Hebdoren kolaboratzaileak militante ezkertiarrak izanik gainera, hastapenean bai, “Charlie Hebdo naiz” pentsatu nuen.

Arma saltzaile

Bainan nahiko fite, lema hori baliatuz martxan jarri zituzten mezuak eta ekimenengandik desmarkatu nintzen.

Hasteko, hipokresiarik ez ! Gertakariz josia izan den urte bateko kronikan, datu bakarra mahaigaineratzeagatik, bereziki bat aipa nezake. Pariseko atentatuen bezperetan emaitza  ekonomiko “bikaina” goraipatu dute : Frantzia armen munduko bigarren esportatzailea bilakatu dela aurten.

Klienta hoberenen artean, lehena, Saudi Arabia. Bakarrik aurten, 12 miliar euroko negozio zifra egin du Frantziak herri honekin. Urrian Amnesty Internationalek agiria plazaratu du Saudi Arabiari armen salmentak gelditzeko eskatuz. Erakunde honek argudiatzen duenez, Saudi Arabiak frantses Errepublikak (ustez) sutsuki defenditzen dituen baloreak bortizki zapaltzen ditu, horien artean giza-eskubide oinarrizkoenak. Bestalde, eskuetan dituen armekin, Saudi Arabiak Yemen-en burutzen dituen sarraskiak salatzen ditu Amnesty  Internationalek : azken garaietako bonbardaketek 100 pertsona baino gehiago erahil dituzte, horien erdia, haurrak… Aurtengo armen salmenten bigarren kontratu handiena Qatar herriarekin gauzatu du Frantziak, 24 Rafale salduz maiatzean. Ez naiz nazioarteko gaietan aditua, bainan, nundik dator Daesh ? Nun ditu bere sostenguak ? Galdera horiek itzulikatzen direlarik, etengabe Saudi Arabia eta Qatar-en erreferentziak agertzen dira.

Zentzu horretan, Le Monde-n argitaratu iritzi-artikulu batean bi historialarik (Sophie Bessis eta Mohamed Harbi, “Nous payons les inconséquences de la politique française au Moyen-Orient”, 15.11.17ko edizioan), Daesh-en aurka hartu beharreko bi neurrien artean, lehena Saudi Arabia eta Qatarekin harreman ekonomikoak eta diplomatikoak moztu behar liratekeela azpimarratzen dute.Bigarrena : Palestinaren inguruko Nazio Batuetako ebazpenak errespetatzea.

Salbuespen egoera baten egonkortzeak
askatasun demokratikoei begira
suposatzen duen mehatxua agerikoa da.
Jada, martxan diren neurri “administratiboekin”
poliziak eskuak libre ditu,
nahi dituen miaketak eta atxiloketak egiteko.

Demokraziari mehatxu

Orain, denborazko perspektiba luzeago bat hartzen badugu, oroituko gara AEBko Senatuak dela urte bat, 2001eko irailaren 11eko atentatuaren biharamunean indarrean jarri zen segurtasun politikari buruzko azterketa biziki kritikoa plazaratu zuela. B. Obama-k berak segurtasun neurri horien babespean erabili metodoak (tartean, Guantanamoko zentroa, torturaren erabilpena, etab.) lotsagarriak direla salatu du. Orain, zer dela eta, 15 urte geroago, Frantziak bere “Patriot Act” indarrean jarri nahi duela ? AEBko Senatuaren azterketak erakusten duenez, salbuespen neurriak ez dira deusetan eraginkorrak izan. Aldiz, salbuespen egoera baten egonkortzeak askatasun demokratikoei begira suposatzen duen mehatxua agerikoa da. Jada, martxan diren  neurri “administratiboekin” poliziak eskuak libre ditu, nahi dituen miaketak eta atxiloketak egiteko.

Eskuak libre izatearen sentsazio horrek eragin ditzaken lerratze posibleen lehen seinaleak hor ditugu. Adibide gisa, berriki SCPN-k – komisarioen sindikatu nagusiak – agiri bat karrikaratu du, zeinean, hitzez-hitz, bere mespretxua adierazten dion Syndicat de la Magistrature (ezkerreko sindikatua) delakoari, “terrorista guzien aliatu objektiboa” izatea leporatuz.

Orduan, giro honetan, biktimekiko elkartasuna adierazi bai, bainan hedabideetatik gauzatzen ari den burumuinen garbiketaren aitzinean, herritar bezala eta abertzale gisa, sekulan baino gehiago gure ikuspegi kritikoa atxiki behar dugu, eta oinarrizko eskubide eta askatasunen defentsan tinko, gure ahotsa entzunarazi.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).