par Joan den larunbatean, Euskal Moneta elkarteak 79.182 eusko (1 eusko = 1 euro) eman zizkien tokiko monetaren erabiltzaileek babestutako lurraldeko 62 elkarteri. Errekor berri bat! Horrek konfirmatzen du euskoz pagatzea lurraldeko elkarte-bizia zuzenean laguntzea ere badela.
Aurten, Elkarteen Eguna iragan zen Euskal Herriko Laborantza Ganbararen (EHLG) egoitzan, Ainhize-Monjolosen. Hautu horrek erakusten du Euskal Monetak nahikaria duela Ipar Euskal Herriko barnealdean are gehiago finkatzeko eta bertan garatzen diren elkarte-dinamikak sostengatzeko.
Elkarte-bizia indartzeko urteroko hitzordua
Hogeita hamar elkarte inguru bildu ziren, haien emaitza sinbolikoa eskuratzeko zein gertakari honen baitan proposatutako formakuntzan parte hartzeko. Aitzineko urteetan finantzaketa publikoak, pribatuak edota emaitza kanpainak hurbiletik aztertu ondoan, 2025eko edizioan nabarmendu ziren HelloAssok proposatzen dituen elkarteen kudeaketaren zerbitzuko urririkako tresna numerikoak. HelloAssoren langileen aholku praktikoei, erakustaldiei eta haiekilako solasaldiei esker, parte-hartzaileek soluzio zehatzak atzeman zituzten denbora irabazteko, baliabideak dibertsifikatzeko eta autonomia handitzeko.
Euskoren % 3ko emaitza, baliabide eraginkorra eta solidarioa
Printzipioa sinplea da: Euskal Monetako kide bakoitzak elkarte bat babestu dezake. Elkarte horrek gutienez 30 babesle izan orduko, bere babesleek euskotan trukatutako euroen % 3ren heineko emaitza eskuratzen du, urte guziez! Erabiltzaileari ez zaio deus gosta, baina elkarteentzat zinezko diru iturri baliosa da!
Hala, hilabete guziez 70 euro euskotan trukatzen dituzten 40 babesle = urtean 1.000 eusko babestutako elkartearentzat.
Adibide zehatzak
Eragile historiko bat: Euskal Herriko Laborantza Ganbara (EHLG)
Aurtengo gertakariaren ostatzailea eta sareko kide historikoa da EHLG. 1.831 eusko eskuratu ditu bere 120 babesleei esker. Iñaki Berhocoirigoin Bulegoko kideak zera adierazi du:
«Bada 20 urte Euskal Herriko Laborantza Ganbarak laborantza herrikoia defendatzen duela. Euskoa sortu orduko, bagenekien tokiko moneta izanen zela ekoizle eta kontsumitzaileak hurbiltzeko tresna zehatz bat. % 3ko emaitza guretzat sostengu baliosa da, eta ahala ematen digu, adibidez, lansariaren parte bat euskoz pagatzeko hala nahi duten langileei. Euskoa onartzen duten hornitzaileekin lan egiteko hautua egiten dugu ere: komunikazioa, bulegoko materiala, laster energia, eta nola ez, Lurramako hornitzaile anitzak. Zatozte azaroaren 7an, 8an eta 9an Miarritzen antolatzen dugun laborantza herrikoi eta iraunkorraren azokara zuen euskoak erabiltzera, eta zergatik ez Euskal Moneta elkartearen kide egitera eta EHLG babestera: ekintza sinplea da, baina interes publikoko laborantza baten aldeko gure lana zuzenki finantzatzen laguntzen duena.»
Hartzaile berri bat: Epaiska elkarte-ostatua
Lehen aldiz, Epaiska elkarte-ostatua, Baiona Ttipiko leku historikoa, Euskoren % 3ko emaitzaren hartzaile izan zen. Hala, 572 eusko eskuratu zituen bere 33 babesleei esker.
«Ekintza sinple batzuen eta Euskal Monetako langile taldeak emandako tresnei esker, 30 babesleen langa gainditu ahal izan dugu», Txomin Urriza laguntzaileak kontatu duenez. «Euskoari eta % 3ko emaitzari buruzko paragrafo bat gehitu dugu gure kontaktuei igorritako mezu elektronikoetan eta sare sozialetako argitalpenetan. Baina, batez ere, ostatuan egiten den ordainketa bakoitza horretaz mintzatzeko parada da: % 3ko emaitza azaldu, Epaiska babestea proposatu, eta hor diren beste pertsona batzuek entzun eta galderak egiten dituzte. QR kode bidezko ordainketa numerikoaren presentziak are gehiago indartu du mugimendua: eusko ordainketak biderkatzen dira, eta jakin-mina pizten da. Emaitza: zenbat eta gehiago hitz egin, hainbat eta jende gehiagok erabiltzen du euskoa, eta horrek denei egiten digu mesede!»
Tokiko moneta, elkartasunerako tresna zehatza
Errekor berri horrekin, % 3ko emaitzari esker lurraldeko elkarteei ordaindutako zenbateko osoa 500.000 eurora hurbiltzen da orain. Europako tokiko monetarik garrantzitsuenak, 4.500 partikularren eta 1.400 profesionalen artean 4,5 milioi eusko ibilarazten dituenak, frogatzen du ekonomia birkokatzeaz eta trantsizio ekologikoa zalutzeaz gain, tokiko monetaren hautua egitea lurraldearen aldeko elkartasun ekintza oso zehatza dela.
Ikus elkarte hartzaileen zerrenda osoa!
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).