2024ko azaroaz geroztik, Paueko prefeturak Ipar Euskal Herriarekiko jarrera oldarkorragoa eta ideologikoagoa hartu du, tokiko adostasun sozial eta politikoak zuzenean kolpatuz. Migrazioa, euskara, laborantza edo hautetsien errespetua: ez da arlorik salbu gelditzen, eta erantzun kolektibo bat beharrezkoa da.
2024ko azaroan izendatu zutenetik, Paueko prefetak bere aurrekoen estiloarekin hautsi eta eredu berri bat markatzen ari da Ipar Euskal Herriarekiko jarreran. Aspaldi huntako prefet politikoena dugu. 2017an Macronen lehendakaritza hauteskundean kanpaina-zuzendari gisa hasi zuen lan militantea, gaur egun Paueko prefeturatik darama.
Eskuin muturreko agenda
Azkeneko gertakaria Baionako ZUP auzoan, herri hauteskunde giroan, antolatutako polizia operazio ahalkegarria izan da. Ikasketak komunikazioan eginik, antzerki horietan ohitzen hasia zaigu prefeturako Zanpantzar hura. Izendatu bezain fite, Biriatun antolatu zituen migranteen kontrako operazioak horren lekuko dira, besteak beste, Bruno Retailleau-rekin batera. Oroitu behar da ere Pausa zentroaren inguruan egin zuen migrante sarekadaz, aldi berean Euskal Elkargoaren kontrako epaiketan zelarik bere finantzamendu ezarengatik. Tokiko eragileen eta hautetsien mobilizazioari esker, hainbat erasoren kontra tinko atxiki dugu. Ipar Euskal Herrian den harrera logikaren kontra, tokiko errealitateei uko egin eta Frantziar Estatuaren agenda politiko erreakzionariileoa inposatu nahian, sokatira partida piztu du.
Mihiluze
Jarrera aldaketa horren beste adibide argia dugu euskara. Pauetik ez da sekula ausardia handirik ikusi euskararen biziberritzeari buruz baina aldi huntan urrunago joan da Jean-Marie Girier. EEPrekiko engaiamendu eza tapatzeko, euskararen nazioarteko egunean berean, prefeta espantuka ari izan zitzaigun Estatua euskararen aldeko lehen aliatua litzatekeelakoan. Hau izan da Senperen seinaletika elebidunaren kontrako adierazpena eta EKEren diruztatzearen apaltzearekin soberatu den probokazioa. Kopeta horrek Ipar Euskal Herriko hautetsien haserrea eraginik, 60 bat auzapez, herri eta elkargoko hautetsiek oroitarazi diote Estatuak duen ardura euskararen linguizidio prozesuan. Sokatira hortan, Girier-ek bere norabidean berriz tiratuz, terminoa “antierrepublikanoa” zela ihardetsi zuen. Nehork bozkatu ez duen kasketadunak ez du zalantzarik herritarren sufragiotik izendatutako hautetsien gainetik kokatzeko. Hautetsien errespetu faltan bai, mugarik gabe.
Bazterrak nahasten
Ez da lehen aldia. Hala egin zuen ere, palestinar bandera herriko etxean ezarri zuten auzapez abertzale eta komunisten kontra plenta ezartzean. Baina bereziki aipatzekoa da Laborantza Chambrako lehendakariarekin batera egin duten esku-hartzea Euskal Elkargoak laborantza eta elikadura kontseilua sortzeko printzipioaren deliberoan. Hilabete pare bat lehenago aho batez bozkatu zen norabidea, kasik zalantzan ezartzeraino iritsi zen Paueko bikotearen presionatze operazioa. Azpimarratu behar da gizarte mugimenduen tentsio apaltzeak, Ipar Euskal Herriko hautetsien zatiketek, baita arlo sozial eta politikoen arteko elkarlan faltak ez dutela lagundu hortan. Horrek alerta gorria piztu behar digu sokatira partida hasi besterik ez delako.
Logika orokorra
Euskara, euskal kultura, laborantza herrikoia, migranteen harrera, ekologismoa… gero eta arlo gehiagotan hanka sartzen ari da Paueko instituzioen arteko aliantza-bloketik heldu zaigun erasoa. Ez da gai bakar bat ere salbu. Ipar Euskal Herrian azken urteetan sortu den kontsentsu sozial eta politiko aurrerakoi osoa jomugan dute. Logika orokor baten baitan kokatzen da mugimendu hau: Estatuko instituzio erregaliano zentralen autoritatea indartu, gure Herriak dituen berezitasun kultural, sozial eta politikoak desagerraraziz. Horregatik urte edo hilabete guti batzuen buruan prefetak bere maletak berriz hartuko dituela baldin badakigu ere, ezin da itxaron kazkabarra pasa dadin.
Euskara, euskal kultura, laborantza herrikoia, migranteen harrera, ekologismoa…
gero eta arlo gehiagotan hanka sartzen ari da
Paueko instituzioen arteko aliantza-bloketik heldu zaigun erasoa.
Erantzun bateratua
Zentzu hortan, Ipar Euskal Herritik erantzun bat ematea ezinbestekoa da. Ezkerreko abertzaleen agendetan, bi hitzordu markatuak dira jadanik Paueri mezu bat adierazteko: lehena, martxoaren 15 eta 22an izanen diren herrietako hauteskundeak; eta bigarrena, apirilaren 5ean Baionan Ipar Euskal Herriko mugimendu abertzaleak antolatuko duen Aberri Eguna. Garai intentsu horien biharamunetarako, indar batzuk atxiki beharko ditugu halere Ipar Euskal Herrian, ezberdinen artean, borrokak uztartuz, bloke bateratu bat eraikitzeko, gure izana eta etorkizuna babesteko Estatuaren jarrera erasokor horren aitzinean.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).