Herritar eskubideak, herritar aktiboak

PrintFriendly and PDF

Ekainak 21. Hautetsontzi erraldoiak

Gure esku dago (GED) herritarren dinamika bat da, nahi duen guziari idekia. Ez da ideologia edo proiektu politiko konkretu bat, jarrera bat baizik. GEDk herritarren parte hartzea bultzatu nahi du, alderdi, erakunde, egituretatik haratago/urrunago. Gutariko bakoitza parte hartzera  eta erabakitzeko eskubidearen inguruan gogoetatzera gomitatzen duen dinamika da.  Ipar Euskal Herrian, ere dinamika martxan da.  Euskal herritarrek haien etorkizuna hautatzera  lortu dezaten.  Horrek adibide anitz ditu gure egunerokotasunean: zein lurralde antolaketa nahi dugun, zein garraio eredu nahi dugun, laborantza eredu, zein hizkuntza sistema nahi dugun etab. Horretan herritarrok pizu gehiago ukaitea aldarrikatzen dugu.  Hitz-ordu ezberdinak antolatzen ari dira herriz herri eta hitz ordu nagusi bat ere finkatua da Ekainaren 21an Baionan.

Gure esku dago (GED) herritarren dinamika bat da, nahi duen guziari idekia. Ez da ideologia edo proiektu politiko konkretu bat, jarrera bat baizik. GEDk herritarren parte hartzea bultzatu nahi du, alderdi, erakunde, egituretatik haratago/urrunago. Gutariko bakoitza parte hartzera gomitatzen duen dinamika da. Erabakitzeko eskubidearen inguruan gogoetatzera bildu nahi ditu jendeak, denen iritziak kondutan hartuz eta errespetatuz. Funtzionamendu orizontalean oinarritzen da: herrian herriko batzordeak osatu dira, eta denei idekiak dira.

2014. urtean zehar Gure esku dago dinamika hasi zen, eta ekainaren 8an giza kate erraldoia gauzatu zen Durangotik Iruñara, 150.000 pertsonen parte hartzearekin. Eguna aitzin, Hego Euskal Herriko probintziatan sekulako ilusioa piztu zuen dinamikak eta Iparraldean lagun talde bat bildu ginen, giza katearen inguruan, hemengo 3 probintziatan ere gaia dinamizatzeko beharra senditzen genuelako. Horrela, maiatzaren 31an giza kateak antolatu ziren Larrañen, Izpegin, Dantxarian, Saran eta Hendaian. 500 lagun inguru bildu ginen orotara. Ondotik, mugimendua pixka bat lokartu zen, eta aurtengo apirila hastapenean Ziburun egin zen bilkura publiko baten ondotik berriz ere dinamizatu da.

Mementu honetan, iparraldeko herri ezberdinetan taldeak sortzen ari dira, eta pentsatzen dugu gehiago ere sortuko direla denborarekin, Gure esku dagok herritar guziak gomitatzen baititu parte hartzera: Hendaia, Sara, Urruña, Baiona, Amikuze, Itsasu, Aiherra/Hazparne, Baigorri, Errobi ingurua… dinamika baten pizten eta lantzen ari gara.

Helburu hurbila, gure esku dago dinamika ezagutaraztea eta erabakitzeko eskubideaz gogoetatzea da. Helburu orokorragoa, azken batean, herritarrok dugun arduraz eta eskubideetan ohartzea, kontziente izatea. Eta noski, euskal herritarrak haien etorkizuna hautatzera iristea. Horrek adibide anitz ditu gure egunerokotasunean: zein lurralde antolaketa nahi dugun, zein garraio eredu nahi dugun, laborantza eredu, zein hizkuntza sistema nahi dugun etab. Horretan herritarrok pizu gehiago ukaitea aldarrikatzen dugu.

Gure esku dago dinamika jendarteratzeko, sare sozialetan ere bagabiltza, eta Baigorrin, Senperen eta beste besta handi batzuetan hor izanen gara, informazioa, tshirtak zabaltzen eta jendearekin ideiak partekatzen.

Hitz-ordu ezberdinak antolatzen ari dira herriz herri eta hitz ordu nagusi bat ere bada:

*Mugimendua ezagutarazteko, eta jendarteratzeko, herri ezberdinetan “Jostunak gaualdiak” antolatuak izan dira, iazko giza katea eta gure esku dagoren baloreak oinarri dituen dokumentala: Hendaian, Urruñan, Saran, Azkainen, Baionan, Donapaleun, Uztaritzen, Hazparnen etab. Proiektatuko da.

* Bestalde, herri edo eskualdeka, Gure esku dago egunak antolatzen ari dira, ekainaren 5-6-7ko asteburuan gehienak: besteak beste oihal margoketak, eta ekimen ikusgarriak.
* Ekainaren 21ean Euskal Herriko hiri nagusienetan ekimenak izanen dira, giza kateak eta irudi erraldoiak marraztuko dira herritarren artean, eta Baionan ekimen hori goizez izanen da.

Ekainaren 21etik landa, erabakitzeko eskubidearen gaia jendarteratzen jarraitzea da helburua, ekainaren 21a ez baita helburu edo helmuga bat bere baitan, baiziki eta pundu azkar bat. Ekainaren 21etik goiti gaia jendarteratzen jarraitzeko moldeak jorratuko ditugu, mahai-inguru eta eztabaiden bitartez adibidez, edota beste ekimen sinboliko batzuk antolatzen. Herrika dinamika atxikiz.

Xehetasun guziak hemen: https://gureeskudago.eus  

Agenda gure esku dago

jostunak Baionan1Baionan , maiatzaren 22an “ Jostunak” filma
Euskal erakustokian, arratsaldeko 19:30etan

Behar bada prentsan edo irratian edo entzuna duzu Ekainaren 21ean Gure Esku ekimenak ekitaldi ezberdinak prestatu dituela lurraldeka.
Iaz giza-katea, eta aurten « hiri handiak« . Helburua urtez urte maila hurbilagora jaustea izanki.
Aurtengoan beraz, ekitaldiak, Baiona, Donostia, Bilbo, Gasteiz eta Iruñan izanen dira (Bai euskararekin egin zen estadio handien betetzearen moduko zerbait).

Antolatzaileak, parte hartu nahi dugun herritarrak gara, ni naiz, hi haiz, zu zara , GU GARA.

Baionan maiatzaren 22an “Jostunak” filma proiektatuko dugu Euskal erakustokian arratsaldeko 19:30etan
Bertan, filmaren ondotik, Baionan  burutzen ahal diren ekimenez gogoetatuko dugu.

Guk denok herritar eskubideak ditugu
Gu denok herritar aktiboak gara
GURE ESKU DAGO
GAUR HAUTETSONTZIA BIHAR ERABAKIA

 

  • Newsletter



  • Soutenez Enbata

    En-kiosque2015-05-FR

    Soutenez Enbata ! A partir de 40€, recevez chaque mois Enbata magazine dans votre boite aux lettres.

    Abonnez-vous / Soutenez-nous

  • Thématiques

  • Mots-clés

  • Vidéos

    video