Lurraldeen mespretxuaren erabaki eder bat

PrintFriendly and PDF
Gilbert Payet, Pirineo-Atlantikoko Prefeta

Gilbert Payet, Pirineo-Atlantikoko Prefeta

Estadoa tematzen da Baionako Herria eta Euskoa trabatu nahiz. Pirineo-Atlantikoko Prefetak dei egin du, joan den ortziralean, Paueko Auzitegi Administratiboko jujeak hartu erabakiaz. Baionako Herriak eta Euskoak hitzarmen bat izenpetu dute Herriak ordainketak euskotan egiteko boluntario diren hautetsier, elkarteer eta enpreser. Paueko jujeak hitzarmen horren legalitatea baieztatu zuen.

« Dei horrek borroka politiko baten eramaiterat behartzen gaitu. Euskoa trantsizio ekologikoaren alde eta bertokiratzearen alde den etorkizun handiko proiektu bat da eta gobernuak oztopatu nahi du, Paueko Auzitegiko erabakiaren ondotik kontrarioa espero zelarik. » damutu da Xebax Christy, Euskal Moneta elkarteko lehendakaria.

Alta Paueko Auzitegi Administratiboko jujeak bere erabakia azkarki argumentatu zuen, gaurko legea oinarritzat hartuz.

Bainan gobernuak ez du erabaki hori begi onez ikusten eta Prefetak dei egin du Bordaleko Dei auzitegi administratiboan.

Lurraldeen mespretxuaren erabaki eder bat.