Hors-Sol

« Hors sol »

Samatsa Klixka - Klixkaldiaren helburuetariko bat da euskararen aberastasuna edo bederen erabilpena sustatzea; egia da euskarazko prentsa ez baldin bada ere irakurria, garrantzitsua da azken mohikano batzuek segi dezaten idazten noski. Nere klixkaldiaren titulua atzemateko alta, frantses termino bati pentsatu dut.
Duela egun batzu Lurdesen gertatu naiz gure diosesako apezpikuaren prediku bat entzuteko. Urte guziz bezala, HBB (sigloa frantsesez) edo euskal-biarnes hospitalitatearen beila zen eta asteburu bikain bat pasatzen ahal zen euskal giro bikain batetaz goxatuz, partikulazki Lurdeseko karriketan eta ostatuetan ere... «Gure» apezpikuak usaiako prediku katastrofista eta apokaliptikoa garatu du ikuspundu ilun bat botatuz gure gizarteari begira. (...)

Lurraldetasunaz

Lurraldetasunaz

2 Commentaires
Intxai Klixka - Bada gai bat aipatu nahi nukeena manera xumean: lurraldetasuna.
Uste dut, herri baten eraikuntzan daramazkigun gogoetetan, ez dugula aski aipatzen gai hori eta egia erran, lurraldetasunak galdera ainitz sortzen ditu eta erantzun gutti ekartzen. (...)
Donald&Boris

Zer dela, zer dela?

1 Commentaire
Gainekotx Klixka - Aspaldi, herri batean batzuek gostukoa ez zuten zerbait gertatzen zelarik (usu harreman edo morala istorio) gauaz jujatua zenaren etxe ondoan «tutak edo galarrotsak» joiten ziren. Arrabots ainitz egiten zen eta akusazioak lerrokatzen forma hau erabiliz: «Zer dela, zer dela?, Etxelarreko Pettan gauaz auzoan ibiltzen dela...»
Aurten fruituak trumilka badirelako, nere sukaldean erreximenta egiten ari nintzala, galarrots horiek jin zaizkit gogora eta hara zer entzuten nuen nere baitan... (...)
Zezena

Zezena, gure kultura…

Samatsa Klixka - Bai bixtan dena, gure kostaldean ikusten ahal den publizitatea ez da euskaraz idatzia, gainean den titulua frantsesetik hartua den itzulpen bat baizik ez da. Beraz, bai… ausartu dira… erraitea zezena «gure» kultura dela.
Publizitate hau asumitzen dutener, ez diet gauza handirik argumentatuko. Heien kulturaren oinarria abere beltz bat baldin bada, ados edo paso… eta errespetu handi bat aitortzen dut zezen guzientzat. Aldiz, zezen plaza batean sartu ez direner luzatu nahi diet nere klixka aldia. (...)
TresnaALAJendea

Tresna ala jendea?

Gainekotx Klixka - Beste askotan eta askok bezala nere erosketak egin ditut herriko supermerkatuan goiz huntan. Ohartua nintzan aitzineko aldietan, langileak bazirela kesen arraberritzen ari. Ez zela urguluz egin nuen nere baitan, kesazainek usu arazoak zituztelako tresna zaharkitu batzuekin eta ardura beha egoiten baiginen.
Egun, nere zakua beterik hurbildu naiz kesetara eta beha egoiteko plantatua nintzela, huna nun saltegiko langile batek erraiten didan... (...)

Bestak ospa ala bestetatik ospa?

Intxai Klixka - Hori bai! Euskal Herrian ahalmen izugarria dugu gauzen ospatzeko! Gertakariak ospatzen ditugula uste dugu, bainan azken finean, ez dugu gure egoera baizik ospatzen. Zaudete… ez da arras egia… Lorpenak ospatzen ditugu eta lorpenak ez badira, aldarrikapenak… batzuetan biak… Bainan, zernahi gisaz, bien gibelean, egoera kaxkar bat gordetzen da.
Beraz bai Bestari esker lortzen dugu herriaren mugiarazten, jendeari kontzientzia arrarazten, erakusten… Besta bai! Borroka ere bai! Bainan lemaren lehen esaldian, hots bestan baizik ez badugu oihukatzen ahal hori, lemak ez du balio. Bestak dira estakuruak eta egunero eman urratsak arrazoinak eta helburuak. (...)
NunbaitSortua

Nunbait sortu izana

Gainekotx Klixka - "Burasoak ez dira hautatzen, Familia ez da hautatzen, Ez eta ere, Manillako espaloiak, Pariseko edo Algerkoak, Ibiltzen ikasteko., Nunbait sortu izana,, Sortu denarentzat, Beti halabeharra da"...
Huna Maxime Leforestier-k, duela urte parrasta bat atera zuen kantua. Egun entzun dut irratian eta berriz ere itzulipurdikatu nau. Testo hunek sartze ainitz baditu. Nik, kantu horren hitzak erabiltzen ditut, norbaiti Euskaldunak atzerakoiak edo zokokerietan ari girela entzuten diodalarik.(...)
Autopartekatzea

Autopartekatzeaz

Teukzomen Klixka - Ikasle ainitz joaiten dira Bordelera, Tolosara / Asteburua etxean pasatuz, joan jina egin behar da. / Covoiturage, BlaBlaCar, / Partekatzea azkar!
Praktikoena da hara / Ta beste mundu sozial batzuen deskubritzeko parada. (...)
ErdiaUstel

Urteak erdi ustel

Intxai Klixka - Ez dauzkizuet agiantzak opatuko! Mila erabaki berrirekin hasten dugu urtea eta hori zendako? 2018-tik 2019-rat pasa baikira. Ze argumentu ona! Bai, helburuak emaiten dazkogu gure buruari, bainan pentsatu gabe «eginen dut!», baizik eta «agian eginen dut». Agian-aren teoria agorgabean gabiltza: hori al da agiantza?
2018ko urtarrilaren 1ean ere agiantzak opa ginituen eta hala nola iragan zen urtea. (...)