par 
Bi urteko maskaradaren ondotik, Euskararen Erakunde Publikoaren hitzarmen sortzailea berritzea erabaki dute hura osatzen duten partaideek ostegun honetan egin duten biltzar nagusian. Ororen buru, kide bakoitzak 100.000 euro gehiago emanen ditu, EEPk berak 2023an finkatu zituen beharretatik urrun. Euskal Konfederaziotik argi diogu: ez da aski! Ez du balio euskararen aldeko hizkuntza politikak Ipar Euskal Herrian dituen beharrei erantzuteko.
Hautetsiek argudiatu dute EEPk zapart egitea saihestu nahi izan dutela, horrek kalte eginen zielako euskalgintzari eta euskal munduari. Baina hemen euskarari kalte egiten dion bakarra, hizkuntzaren biziberritzea bultzatzeko borondate politiko falta da. Euskal Hirigune Elkargoa izan da aurrekontua manera onargarrian emendatzearen alde agertu den bakarra. Gainerako kideek beste behin erakutsi dute ele ederretatik harago ez dutela den mendreneko urratsik egiteko asmorik.
Urteak dira Euskal Konfederazioak Ipar Euskal Herria berreuskalduntzeko bidean plangintza xifratu bat eta helburu zehatzak dituen bide-orri bat galdegiten duela. Eta azkenean lortu genuen iazko ekainean: Euskararen Erakunde Publikoak egin ikerketaren arabera, gainbehera ez da fatalitate bat, eta euskara goranzko bidean ezartzea posible da. 2050 urterako, euskaldun kopurua %30ekoa izateko bide-orria aurkeztu ziguten.
Helburu hori finkatu du EEPren biltzar nagusiak ere, baina hori lorgarri egiteko diru baliabiderik adostu gabe. Maider Behotegi EEPko lehendakariak berak adierazi du, gaur gaurkoz, finkatu duten helburua ez dela lorgarria. Trufa hutsa da!
Frantziako Estatuak eta gainerako instituzioek hamarkada luzeetan euskararen kontrako politikak sustatu dituzte, gure hizkuntza desagerrarazteko helburuarekin. Euskararen Erakunde Publikoa sortu zelarik, Ipar Euskal Herriko biztanleen 4tik 1 euskalduna zen. Hogei urte berantago, biztanleen 5etik 1 baizik ez da euskalduna. Denek euskararen alde ahalegin oro egiten dute omen, baina memento berean, euskara peko errekarako bidean da.
Euskararen nazioarteko egunaren harira, Ipar Euskal Herriko auzapezei zuzendu zitzaien prefeta, Frantziako Estatuak euskararen alde egiten duen ekarpena laudatzeko. Alta, Frantziako Estatuak erantzukizun historikoa du Ipar Euskal Herrian euskarak izan duen gainbeheran. Egindako kaltea konpontzeko erreparazio politika bat ezinbestekoa da.
Horretarako:
• Funtsezkoa da euskarari frantsesaren heineko estatus legala aitortzea Ipar Euskal Herriko eremuan, euskaldunek frantses hiztunen hein bereko hizkuntza eskubideak izateko eremu publikoan.
• Euskararen presentzia bermatu behar da, administrazioan, irakaskuntzan eta espazio publikoan.
• Hizkuntza politika eraginkor bat behar da, euskararen biziberritzea ardatz izanen duena, eta hori lortzeko diru baliabideak jarriko dituena.
Euskalgintzako eragileek orain arte bezala segituko dugu, arloz arlo, Ipar Euskal Herriaren berreuskalduntzearen aldeko lanean. Eta badakigu horretarako herritarren eta eragileen mobilizazioa ezinbestekoa izanen dela, euskara larrialditik ateratzeko. Guk, euskaltzale guziok, ondoko hitzordua abenduaren 27an dugu, Bilboko Bilbao Arenan, Kontseiluak antolatu ekitaldian euskararen Pizkundea nahi dugula adierazteko.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).