Enbata Hilabetekariko Sar Hitza
Maiatzeko hilabete honetan izandako hainbat gertakarien artean Bateraren maiatzaren 10eko biltzar nagusiarekin ondoko urteei begirako erronka nagusi baten berrabiatzeak markatu du. Izaten dira holako hitzordu batzuk norberaren egutegian saihetsezinekoak bezala ikusten direnak, eta horietariko bat da Ezpeletan izandakoa. Orain dela hogei bat urte bezala aniztasunaren irudia da lehen lehenik ekimenak eman duena. Aniztasun politikoa alde batetik, kolore askotako ordezkari politikoekin, diputatu, auzapez zein hautetsiak bildu baitira bertan, baina bereziki azpimarratzekoak dira gizarte zibiletik hurbildutako egitura eta mugimenduen ordezkariak. Euskal Herriko Lurralde Kolektibitatearen aldeko dinamika berri horrekin egungo Hirigune elkargoa bezalako egiturarekin hozka bat gorago egiteko dagoen nahia agerian jarri du beraz hitzorduak.
Instituzioaren arloan hozka bat gorago egitea ezinbestekoa ikusten baita gaur egun etxebizitza, laborantza edo soziala bezalako arloetan tokiko gizartean sortzen diren problematikei molde eraginkorrenean erantzun ahal izateko eskumen eta ahalak lortzeko.
Oro har, hitzordu horri eman zitzaion helburua lortutzat eman daiteke, baina, hala ere, bultzatu nahi den dinamikan punttutxo bat ilun gerta daiteke, hau da, irudietan zein hitzartzeetan emazteen ordezkaritza eskasari dagokiona. Horrelako ekimen bat ez baita sekula aise antolatzea, ezin zaie hori antolatzaileei leporatu, Bateraren birsortzean maiatzaren 10 horretan irudi anitza izatea bilatzen zen, baina zoritxarrez tokiko agintaritza politikoa, gehiengo handiz, gizonen esku dago gaur egun oraindik ere. Badaiteke ere emazteek zilegitasun ezaren sentimenduaren ondorioz ez nahi izana lehen lerroan jarri, eta, alde horretatik gure gizarteak bultzatzen duen ereduak du erantzukizun osoa.
Hautetsien genero aniztasuna ondoko 2026ko herriko hauteskundeetan aldaturik agertuko zaigula esperantza atxikiko dugu buruan. Gogora dezagun, 2020ko herri hauteskundeetan Garapen Kontseiluak Hirigune elkargoan parte hartzen duten hautetsietan eta bereziki exekutiboan parekotasuna errespetatzearen aldeko deia zabaldu zuela. Hainbat eremu eta elkartetan emazteek gero eta indar gehiago hartzen ari diren une honetan, eskakizun hori 2026an berriz ere mahai gainean jartzeko beharra ageri zaigu irudi modernoago batekin kaleratzeko. Sufragio unibertsalaren bidez aukeraturiko lurralde kolektibitate batek parekotasun osoa ahalbidetuko lukeela argi da. Alde horretatik instituzio berriaren aldeko aldarrikapenean argudio berri hori gehitzen ahalko zaio jakinez 2019an Hirigune Elkargoko hautetsien %23a soilik zirela emazteak.
Sufragio unibertsalaren bidez aukeraturiko lurralde kolektibitate batek
emazteen eta gizonen arteko parekotasun osoa ahalbidetuko lukeela argi da.
Gure lurraldeak bai eskumenetan baina baita genero errespetuan ere merezi duen heineko instituzioa ukaiteko guztien esku hartzea beharko da, gazte, heldu, zahar, emazte zein gizonena.
Maiatzaren 10ean lortu da helburu horretan lehen harri bat jartzen. Ondoko harriak gehitzen joanen zaizkio, gizarte osoaren indarrak baturik zinezko Ipar Euskal Herriko Lurralde Kolektibitatearen eraikin berritzailea zutik jarri arte.
Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.
Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).
Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).