Eskuin muturraren kontra, Herri Harresia!

Herri Harresia mobilizaziorat deitzeko prentsaurrekoa, Biarritzeko Irati aretoaren aitzinean, urriaren 27an.

Azaroaren 28an, Frantses Kanonaren kontra eginen den mobilizazio masibo eta herrikoian parte hartzera deitzen dute Euskal Herri osoko 100 pertsonak, Biarritzeko Irati aretoaren inguruan bilduz eta herri harresi bat osatuz.

Laida ERGUY eta Xabi SOLANO

Euskal Herri osoko 100 pertsonak “Frantses Kanonaren aitzinean: herri harresia” manifestua izenpetu dugu (1), azaroaren 28an Biarritzeko Irati aretoan antolatua den Canon Français- ren banketea ez dugula onartzen adierazteko eta jendea horren kontra masiboki mobilizatzerat deitzeko.

Zergatik Herri Harresia?

Oso ongi dakigu zer dagoen Frantses Kanonaren bazkari horien gibelean eta horietan ohikoak diren gehiegikeriek zer salatzen duten: eskuin muturra ez da bakarrik ideia kontu bat; indarkeria da, pertsonen kontrako erasoak dira (jatorriagatik, azalaren koloreagatik, erlijioagatik edo sexu-orientazioagatik, …), bai eta egoitza militanteen kontrako erasoak, besteak beste. Urriaren 23an Frantziako Trappes hirian gertatu den hilketa arrazistak oroitarazten digu noraino joaten ahal den.

Oso ongi dakigu Frantses Kanona, Pierre-Edouard Stérin eskuin muturreko miliardunak, Belgikan zerga-iheslari denak eta Euskal Herrian etxegintzako espekulazioan parte hartzen duenak, bere Pericles proiektuarekin eskuin muturraren alde finantzatzen duen eta eramaten duen borroka kulturalaren parte dela. Frantses Kanona egitea eta ekitaldi horrek Euskal Herrira inportatzen ahal duen gorroto eta zatiketa dinamika errefusatzen dugu. Ezin dugu onartu Frantses Kanonak gure herrira “bizikidetza eta lurraldea biziarazten” irakastera etorri nahi izatea, Euskal Herriak horiek aspalditik lantzen dituelarik bere herrietako bestetan eta ekitaldi desberdinetan (Herri Urrats, Nafarroaren Eguna, EHZ, Lurrama, Korrika, …), gaztetxeetan, zikiroetan, peñetan eta poteoetan. Ezin dugu onartu bankete hori Euskal Herrian ospatu nahi izatea, Euskal Herriak 40 urte luzez faxismoa eta frankismoa bere eta herriaren ariman ezagutu eta pairatu zituelarik.

Euskal Herri osotik

Herri Harresia Iparraldeko zein Hegoaldeko euskaldunei zuzentzen zaie, argi uzteko Euskal Herriak, nazio gisa, eskuin muturra ez duela bere lurrean onartzen. Haren aitzinean altxatuko den herri harresiak Euskal Herri osoaren oihu indartsua helaraziko dio: ez dugu horrelakorik nahi hemen. Euskal Herria ez da sekula izanen lurralde bat non eskuin muturra erresistentziarik gabe eta mobilizazio irmorik gabe finkatu ahal izango den.

Frantses Kanonaren bazkariari aurre egitea erabaki dugu, aurpegia erakutsiz, modu alai, koloretsu, jendetsu eta herrikoian. Milaka lagun bilduko gara, Euskal Herri osotik, herri honen aberastasun sozial eta kulturala adieraziz. Horrela eginen dugu iritzi publikoaren borroka irabazi nahian, noski, baina batez ere horrelakoa baita nahi dugun eta egunero eraikitzen ari garen gizartea: alaia, koloretsua, bere aniztasunaz aberatsa, inklusiboa, …

« Frantses Kanonaren bazkariari aurre egitea erabaki dugu, aurpegia erakutsiz, modu alai, koloretsu, jendetsu eta herrikoian. Milaka lagun bilduko gara. »

Frantses Kanonaren sortzaile diren bi aristokratek, Pierre-Alexandre Mortemard de Boisse eta Géraud du Fayet de la Tour jaunek, bai eta Pierre-Edouard Stérin zerga iheslari miliardunak, beren besta eredu baztertzailea honat ekarri nahi dute. Parean ukanen gaituzte milaka lagun, euskal kultura, munduko gaineratiko herrien kulturekin harremanean, hamarkadaz hamarkada bizirik mantentzen duguna; kultura herrikoia eta bizia, dantzak, kantuak, bestak, herri bazkariak eta topaketak, diru-trukean oinarritzen ez diren lagunartekotasuna eta denentzat irekiak diren ekitaldiak sustatzen ditugunak.

Azaroaren 28an denok Biarritzera

Horregatik, dei egiten diegu herri honek dituen dantzari, abesbatza, txaranga, musikari, joaldun, batukada eta kale- antzerkiko lagun guziei. Azaroaren 28an, euskal kulturako eta beste kulturetako ahalik eta eragile gehien bildu behar gara, Biarritzeko Irati aretora iristeko sarbide guzietan elkartu eta leku horiek hartu behar ditugu, musika joz eta dantzan eta kantuan arituz. Goizeko 11:00etan ttanko izango gara bertan, eta lehenago ere bai. Hamaiketako erraldoia eginen dugu. Bakoitzak ekar dezala jateko eta edateko, partekatzeko zerbait: bere ogitartekoa, saskia edo xahakoa. Bakoitzak ekar dezala bere musika tresna, bere kantu liburuxkak, … Bakoitzak ekar ditzala bere pankartak, mezuak eta elkargune horren girotzeko eta apaintzeko balioko duen guzia. Beharko den denbora guzian egongo gara bertan, 14:00ak arte, 15:00ak arte edo berantago, Frantses Kanonaren bazkaria eginen ez dela lortu arte.

Eta denok batera kantatuko dugu: “Kolore bizia, arrazakeriaren kontra! Kolore guztiak, faxismoaren kontra!”

(1) https://sites.google.com/view/herriharresia/100en-deialdeia

Soutenez Enbata !

Indépendant, sans pub, en accès libre,
financé par ses lecteurs
Faites un don à Enbata.info
ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.

Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.

« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.

Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.


Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin
edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.

Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.

«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.

Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.


50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.

Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).

Laisser un commentaire

Votre adresse e-mail ne sera pas publiée. Les champs obligatoires sont indiqués avec *