Ispilu liburua

Carmen Gisasola, beste zenbait preso politikoekin batera « Itzuliezinezko bake prozesuaren alde konprometitutako presoak” kolektiboko partaidea da,  ETA-ko zuzendarietarik izana eta  erakundetik apartatua, bortizkeria politikotik desmarkatua, bere biktimeri barkamena eskatua duena. Andde Sainte-Marie-k irakurri du Carmen-ek jaz argitaratu nobela.

Batzuetan nobela liburu bat irakurtzearekin, literaturak tupust egiten du politikarekin. Hori gertatu zait berrikitan “Gaur zortzi” liburua irakurtu bezain irentsi eta.Iragan urtean argitaratua izan da “Gaur zortzi” eta bere idazlea da Carmen Gisasola , Markina- Xemeineko bizkaitarra. Carmen gauregun preso dago Zaballako presondegian, ETAko kide izaiteagatik. Liburu horrek soilik hiru pertsonaia dauzka: gutun bat idazten duen ama,gutuna zuzendua zaion ETAkide preso bat eta ama horren alaba zortzi egun lehenago ihes egindakoa erakunde armatuan sartzeko… Galderak, gogoetak, minak, beldurrak, denetarik agertzen ditu gutun hortan protagonista nagusia den ama horrek Andoni presoari idazten dion gutun luzean. Galdera zalaparta egiten dio interlokutore hartu duenari ama arduratsuak: “Ez duzu, Andoni, zure barneko korapiloa askatzeko laguntza beharrik? Konturatzen ote zira ehunka urtetarat zigortua izanki, biziak aintzina egiten duela zu gabe? Zure lur maitearen usainik heltzen ote zaizu horraino? Ez ote zira bakarti sentitzen?

Carmen Gisasola
Carmen Gisasola

Nobelak politikarekin bat egiten du

Ama hori arranguratsu ere agertzen da ere Andoni presoari, nolabaiteko bakarrizketa luze luzean, ahapetik bezainbat oihu eginez, azpimarratzen diolarik ez duela nahi ihes egin duen alabak bere hilobia zula dezan, gudariak hilotzak besterik ez direlako, hautsak musukatzerat nehor ez doalako. Ezin uka liburuaren pasarte ainitz zinez hunkigarriak direla eta ama horren dohakabea kasik kontsola ezina dela. Ezin du gauean lo egin, ezin du atsedenik hartu, alaba du beti eta beti buruan. Inazio Mugika Iraola Alberdania argitaletxeko editoreak liburuko bi zati edo momentu azpimarratzen ditu liburuaren aurkezpenean: torturaren kontaketa eta deskripzio zehatza egiten duenarena: “Nola adierazi komisariatik pasa ez denari zertarat irits daitekeen pertsona bat taldean badago? Bortizkeriak eternitatea jo eta torturatzaileak noiz agertuko zain egoitea hamar gau eta hamar egunez” eta bestetik liburuaren bururatzea, funtsean niri ere gustatu zaidana, liburu osoa bezala egia erran. Alabainan bururatze hortan ikusten da Carmen Gisasolak bere iraganetik eta agian gaurkotasunetik ainitz ezarri duela, nahiz eta liburua nobela bat izan edo hala izan nahi duen.

Zalantza ainitz ditu gutuna idazten duen amak: “Alaba atxilotzen badute, agian bere torturatzaileekin gurutzatuko naiz egunero karrikan, zeren badakit besteak bezalako pertsonak direla torturatzaileak, nere alaba beste edonor bezalakoa den moduan”. Liburu guzian zehar kasik, nobelak politikarekin bat egiten du, nahitarat edo nahi ala ez, idazleak soilik daki hori. Ama horren sufrimendua bikoitza bezala da idazten dituen lerroetan zehar, Euskal Herriko beste hainbat ama eta pertsonen eguneroko “mundua”: alabak hil dezake eta alaba hil dezakete. Liburuan aintzinatu arau, ezinago argiki aurpegiratzen zauku, gutuna euskal jendartearen zati ukaezin baten kontakizuna dela. Ez da dudarik liburuaren idazleak zortzi egun baino gehiago behar izan duela (bere?) istorioa bere baitan sustraitzeko lehenik eta idazteko ondotik. Infernu bilakatzen diren zortzi egun alabaren berri izan gabeko edozein amek ispilua aurkituko dute eleberri hortan, dudarik ez.

Liburu horren bitartez, Carmen Gisasolak nahi du frogatu
Hego Euskal Herrian nahi bada
elkarbizitza sozial eta politiko berri bat eraiki
balore moral eta etiko berrituetan oinarritua,
behar beharrezkoa dela
iraganaz gogoeta kritiko bat egitea sakonki

Iraganaren gogoeta kritiko sakona

Liburutik haratago, Carmen Gisasolak bere hitzekin adierazi nahi du ibilbide politiko armatu batean konbentziturik ibiltzeak, ezin duela sekulan edozein motatako gehiegikeriarik justifikatu, nahiz eta gure baitan hainbat kontradikzio sortu. Liburua dudarik gabe, idazlearen ekarpen xume bezain argia da, gauregun herri huntan oraindik hain eskas den normalizazio eta elkarbizitzari. Carmen Gisasola, beste hainbat preso politikoekin batera “Itzuliezinezko bake prozesuaren alde konprometitutako presoak” kolektiboko partaidea da. Badu jada urte ainitz ETA erakundetik apartatua dela, bortizkeria politikotik desmarkatua, bere biktimeri barkamena eskatua duela eta ondorioz “bigarren gradoko” estatutua aplikatzen diola Espainiako kartzela administrazioak: sei hilabete guziz ahal ditu hogoi egun kanpoan pasa. Liburu horren bitartez, Carmen Gisasolak nahi du frogatu Hego Euskal Herrian nahi bada elkarbizitza sozial eta politiko berri bat eraiki balore moral eta etiko berrituetan oinarritua, behar beharrezkoa dela iraganaz gogoeta kritiko bat egitea sakonki. Liburuak azpimarratzen du ere elkarbizitza hori denen ardura dela, dena ez dela aldatuko egunetik biharamunerat. Liburuko kontakizunek erakusterat emaiten digute ere borroka armatuak helburu politiko jakin batzuk lortzeko asmoz, mentalitate bat sustraitu duela bere ingurumenean eta ondorioz hainbatentzat “ezberdin pentsatzen duen edonori bortizki oldartzea eta jazartzea, norma izaitea”. Iraganekoa errepikatzearen kontrako antidota egokia baita geroari begirako itxaropen leiho bilakatzen da azken finean Gaur zortzi eleberria. Neurtu gabe irentsiko duzuen sendagailu generikoa agian!

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).