Turismoa eta herria

PisuTuristikoaUda honetan sekulan ez bezalako eztabaida sortu da turismoaren harira. Azken urteetan Donostia bihurtu da turismo masifikatuaren lekuetarik bat, eta horrek lekuko (bereziki parte zaharreko) jendearen kezka eragin du, lehenagotik Veneziako edo Bartzelonako herritarrek duten gisa berekoa.

Dena bideratu da turismora, lekuko jendearentzako merkatu eta zerbitzuak urritu dira eta ostatu eta terrazek hartu dute toki guztia; horrekin batera prezioak ikaragarri emendatu dira.

Erakundeetako ordezkariek diote turismoak lana dakarrela… Lan prekarioa, soldata apalegikoa, turismoaren ondorioz dauden prezioen arabera bizitzeko.

Ernai gazte erakundeak kanpaina egin du turismo eredu horren aurka. Betikoek aitzakia baliatu dute ezker abertzalearen zikintze kanpaina egiteko, “turismofobia” leporatuz eta, gisa horretan, eztabaidaren mamitik ihes eginez.

Denak une batez turistak garelakoan, edozein gisetako turismoa itsu-itsuan onartu behar ote da?

Gauzak beltz ala zuri balira bezala mahai gainera ekartzeak ez dio nehori mesederik egiten. Egia da edozein lekutara joatea eskuragarri bihurtu dela: hegaldi merkeak, hoteletako eskaintza bereziak… Anitzek lau eguneko oporraldia eduki orduko lekuak husten dituzte, nonbait turista izateko. Derrigorrezkoa – are gehiago, lagunen edo lankideen arteko lehia – bihurtu da “oporretara” joatea, ahal bezainbat; etxean gelditzen dena triste paketa bat balitz bezala.

Neurririk ez dugu; eta neurririk gabe joaten garen bezala, neurririk gabe dator jendea Euskal Herrira. Eta horrek turismoaren masifikazioa eragin du. Baita ere toki turistikoetako “aisialdi” edo animazio eskaintzaren uniformizazioa.

Uda honetan hartu duen formarekin, badirudi Euskal Herrian ez zela sekula izan turismo ereduari buruzko eztabaidarik edo gogoetarik.

Ez da horrela. Gauzak ez dira 2017an hasi, ez eta ere Donostian. 70eko hamarkadan, Lapurdin, mugimendu abertzaleak salaketa zorrotza egin zuen turismoaren kontra. Ez turismoaren kontra izate soilagatik, baizik eta agintariek Lapurdirentzat pentsatua zuten antolaketa ekonomikoa ia osoki turismora bideratua zelako. Horrek zekartzan kalte guztiekin. Klase borroka bat zen, euskal izaeraren defentsa borroka bat ere bai. Ordutik hona turismoa anitz aldatu da, baina 70eko hamarkadako funtsezko galdera haiek hor daude.

Turismoak neurtua izan behar du, herritarrei kalte egiten ez diena, herria desitxuratzen ez duena. Eztabaida globala da, ez baita bakarrik Euskal Herriko arazoa, sistema ekonomiko ezin liberalagoaren ondorioa delako.

Ordutik hona turismoa anitz aldatu da,
baina 70eko hamarkadako funtsezko galdera haiek hor daude.
Turismoak neurtua izan behar du,
herritarrei kalte egiten ez diena,
herria desitxuratzen ez duena.

Horiek horrela, herri gisa ere pentsatu behar da zer egin eta nola jokatu. Aurtengo epizentroa Donostian izan bada ere, ez da Donostiako arazoa bakarrik, eta gai honetan sakonki gogoetatu duten eta esperientzia handia duten lapurtarren eta, hein batez, Nafarroa Behereko eta Zuberoakoen urteetako lana hor dago, etorkizuneko estrategiak pentsatu nahi badira.

Erakundeek beren ardura daukate merkatu librea arautzeko. Ezin dituzte onartu ostatuko prezio handi horiek eta etxebizitzen espekulazio neurrigabea. Ezin dute bultzatu batzuen sakelak bakarrik gizentzen dituen sistema. Oreka ekonomikoa bermatu behar dute, sektore bakarraren aldeko apustu hutsaren ordez.

Aurten Zarautzen eta Donostiako bestetan egin dutenaren kontrara, Euskal Herria eta euskal kultura babestu behar dituzte, eta ez baztertu eta espainola promozionatu.

Herri gisa eta herri ikuspegitik lotzen gatzaizkio denak gai honi, edo herria bera eramanen du turismo masifikatuaren ur-laster honek.

Nolako herria, halako turismoa.

Nolako turismoa, halako herria.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).