100en deialdia: Vivre et se loger au pays ! Espekulazioari ez!

PrintFriendly and PDF

Appel100

 Azken urte hauetan Ipar Euskal Herrian etxebizitza  duina  atxematea eta bizi izatea desafio handia bilakatu da  gero  eta  jende  gehiagorentzat,  are  handiagoa  zailtasun   bereziak dituztenentzat.

Arrazoiak aspaldidanik ezagutuak dira: lurraldearen “erakargarritasuna”, goi mailako turismoa  eta  masa  turismoa,  lurraren  inflazioa,  lur  kudeaketa  kolektiboaren  eskasa,  alokairuen  emendatze   izigarria,  espekulazioa, bigarren bizitegien eta Airbnb gisako bizitegi mueblatu iraunkorren biderkatzea,  etengabeko urbanizazioa, etxe hutsak zaharberritzeko politika urriak, bizitegi sozialen eraikitze eskasa,  urgentziazko bizitegien eskasa…

Alta, fatalitaterik ez da: lurralde batzuk frogatzen ari dira arazo hauek partez konpontzen ahal direla,  borondate politikoa izanez gero eta tresna eta dispositibo berritzaileak baliatuz. Horrela arituz, tokiko  biztanleek bizitegia herrian atxemateko eta herrian bizitzeko duten eskubidea hobeki babesten dute.

Ipar  Euskal  Herrian  tokiko  hautetsiei  politika  ausarta  eta  beheralakoa  plantan  ezarri  dezaten    galdegiteko   tenorea dugu, hemen bizi eta lan egin nahi duten guziek horretarako posibilitatea izan dezaten.

Hona hemen etxebizitza politika egoki batek kontuan hartu beharreko hainbat oinarri:

• etxebizitzen eta lurren merkatuaren erregulazioa esku ikusezin famatu horrek ez  dezala  gehiago tokiko jendea kanpora bizitzera behartu. Etxeak eta apartamenduak bizitzeko lekuak izan  behar dira, ez espekulatzeko ontasunak (adibidez, lehentasuna urte osoko alokairuei eman  behar  zaie  urte  osoan  bainan  behin-behinean  Airbnb  bezalako  egituren  bidez  alokatzen  diren  bizitoki   mueblatu turistikoei baino).

• lurraren  eta  etxebizitzaren  kudeaketa  publikoa  edo  kolektiboa  (adibidez  lurrak  erosteko herri edo herriarteko polikak sendotuz, laborantza lurrak babestuz, jendeak erosi   etxebizitza  sozialak  merkatu  espekulatiboan  eror  ez  daitezen  BRS  (Bail  Réel  Solidaire)  bezalako   mekanismoak sistematizatuz).

• “etxebizitza  bat  denentzat”  printzipioari  lehentasuna  (adibidez  bigarren  bizitokien   kopurua mugatuz, fenomeno horren ttipitzeko neurri fiskalak hartuz).

• etxebizitza  duina  eta  eskuragarria  izateko  eskubidea  errealki  gauzatuz  (adibidez   alokairuen prezioak erregulatuz, bizitoki sozialen kopurua azkarki emendatuz -eta bereziki bizitoki  arras sozialena- eta urgentziazko aterpetze toki gehiago sortuz).

• urgentzia  ekologiko  eta  klimatikoekiko  uztargarritasuna,  artifizialiazioa  gelditzeko  neurriak  eta  janari  burujabetasuna  (adibidez  bizilekuen  dentsitatea,  herria  herriaren  gainean   garatu, bigarren bizitokiak eta bizitegi hutsak urte osoan zehar bizigarri bilakarazi…).

Herrian bizitzen segi ahal izateko denak mobilizatu behar gira, hemen eta orain!
Hitzordua manifa haundian
etxebizitza eskubidea denetzat
azaroaren 20an, 15:00etan, Baionan !

 100 izenpetzaileak  (ikus beherean)

afitxa_hd

Un trackback

  • Newsletter



  • Soutenez Enbata

    En-kiosque2015-05-FR

    Soutenez Enbata ! A partir de 40€, recevez chaque mois Enbata magazine dans votre boite aux lettres.

    Abonnez-vous / Soutenez-nous

  • Thématiques

  • Mots-clés

  • Vidéos

    video