Ehka Kola, bidezko alternatiba iraunkorra !

2-Carole PLATERO eta Thierry MICHEL
Alterka Kooperatiba-ko Carole Platero eta Thierry Michel

Carole PLATERO, Alterka kooperatiba-ko kidearekin Ehka Kola, Iparraldeko kola alternatiboari buruz solasean.

Zer da Alterka?

Alterka langileen ekoizpen kooperatiba edo Scop bat da, Iparraldean 2003an sortu dena. Edozoin Scop bezala, ibilmolde demokratiko bat badu eta bere etekinen banaketak lanpostuen eta enpresaren proiektuaren iraunkortzea dute xedea. Alterka-ren ekoizkina, Ehka Kola da (Euskal Herriko Kola Alternatiboa), bidezko merkataritzatik etortzen dena.

Zergatik sortua izan da Ehka Kola?

Ehka Kola sortu da kontsumitzaileei alternatiba baten eskaintzeko, hots kapitalismo suntsitzailearen sinboloa den Coca-Cola multinazionalari alternatiba baten emaiteko. Guretzat, alternatibak Euskal Herrian sistema kooperatibista eta bere bidezko eta justizia sozialeko balore demokratikoak sustatzen dituzten egitura ekonomikoen sortze eta garapenetik pasatzen dira. Azkenik, lan baldintza hobeagoak segurtatzen dituen komertzio zuzenago batean sinisten dugu.

Hastapenean, Iparraldeko Kola alternatiboa, erresistentzia iraunkorraren ikur bat bezala pentsatu da, ezta?

1-EHKola Olentzeroren Edaria
Olentzero Vs Bizar Xuri

2002 urtean, Ehka Kola-ren sortzean zen taldea Irak-eko Gerlaren aurkako mugimenduan asko mobilizatzen zen. Haientzat, gerla hori dominazio ekonomiko baten logikaren ondorioa zen. Eta logika hori Estatu-Batuar inperialismoak bultzatzen zuen. Manifestazio horiek, bakarrik sistema horren ondorio zehatz bati aurre egiten zuten: gerlari. Altabada, Ehka Kola-ren sortzaileentzat, argi zen, gerla sortzen zuen sistema hori, kontsumitzaile bezala, haiek zutela elikatzen. Alabainan, garaian, Coca-Cola-k Bush-en kanpaina finantzatu zuen. Praktikan, mobilizazio puntual bat, manifestazio batzuren bidez, ez zitzaien iruditzen erantzun egokia edo aski eragingkorra herritar guziek, beren egunerokotasunean elikatzen zuten sistema baten kontra joaiteko. Kontsumitzaile gisa, sistema horren parte zirenez, beren buruari ondorengo galderak egin zituzten: «Nola eguneroko bizian ahal bezain gutti sustatu horrelako sistema bat?».

Zure aldetik, nola sartu zira Alterkan, eta zer egiten duzu kooperatiban ?

2 kide gira kooperatiban, arlo guzietan lanean ari girenak ! Thierry Michel eta ni. Jada ezagutzen genituen Scop-a sortu zutenak eta beren ibilbidea hurbiletik jarraitzen eta ulertzen ginuen. Horrek digu gogoa eman haien proiektuari jarraipen baten emaiterat.

Zer mezu dakar Alterka-k?

Alterka-rekin «Beste mundu bat posible da!» mezua luzatzen dugu horrelako mezuaren entzutera ohitura gutti duen publiko bati. Ehka-ren ezagutaraztea saiatzen gira horretarako erabiliz sare ezberdinak non jende ezberdina gurutzatzen ahal den: supermerkatuetako jastatzeak, facebook sarea, esku orriak tabernetan, prentsaurrekoak eta hainbat artikulu edo elkarrizketa hedabideetan.

Zertako eta nola sartu zirezte Eusko proiektuan?

Eusko-ak elkartasunaren gaineko apostua egiten du. Eta guk ere. Euskoak nahi du ekonomia tokiratu edo ber-tokiratu. Hori da ere Ehka Kola-rekin egiterat saiatzen girena. Guretza naturala izan da beraz, Eusko-aren sarean sartzeko xedea. Horren bidez, gu ezagutzen gaituztenek, Eusko-aren bidez ezagutzen ahalko dituzte tokiko ekonomiaren beste aktore batzu. Horrela gure ibilmoldea eta baloreak preziatzen dituzten pertsonen sareak aterabide gero eta gehiago ezagutuko ditu. Euskoa, ekoizpena eta komertzioa tokiratzeko lagungarri izanen da. Denek dugu horrekin irabazteko !

Ehka Kola-ren bertokiratzean beste pausu batzu egin dituzue duela gutti?

3-EHKolarenBerinezkoBotoila
Berinezko botoila, EHn ekoiztua

Bai, 2013ko maiatzetik geroz gure kontsumitzaileek tabernetan topatzen ahal dituzte 0,33l-ko berinezko botoilak « Euskal Herrian Ekoiztuak ». Supermerkatuentzat, ekoizpen berri honek bere sartzea egin aurretik beharko ditugu aurreko stock-ak bukatu ! Azkenik, Ehka Kola gaur egun Oliten (Nafarroan) ekoiztua da.

Ehka Kola-ren ezagutza teorikotik ezagutza praktikora pasatzeko, zer egin behar dugu?

Praktikan, Ehka Kola Euskal Herri osoak galdegiten ahal digu, eta guretzat plazer bat litzateke Hegoaldearekin lan egiterat. Gurekin harremanetan sartzeko kontaktuak gure Facebook-ean dira, banatzea antolatzen dugu eta gure afitxa eta irriekin bagatoz!

Zein dira Alterka-ren geroari buruzko proiektuak ?

Ari gira pentsatzen nola gure produktuen aniztasuna haunditu, formatu ezberdinei pentsatuz Ehka-rentzat, kalitatezko soda berri batzuri pentsatuz, beti ere bidezko merkataritzaren bidez.

Baliteke ere laster berinezko botoilentzat kontsigna sistema baten martxan ezartzeko parada ukaitea.

Azkenik, gure xederik haundiena litzateke egun batez plataforma etiko, alternatibo eta solidario baten sortzea. Horrek proposatuko lituzke tokiko, etxeko edo/eta bidezko edariak, zergatik ez biologikoak ere, beti eskainiz banatzaile klasiko baten zerbitzuak edo errextasunak. Baina berdin amets hori ezin dugu bakarrik gauzatu, baizik eta ber baloreetaz interesatuak diren beste hainbat aktoreekin.

Harremanak : Ehka Kola-ren Facebook orriarekin edo [email protected] / 05 59 93 34 68

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).