Iparra-Hegoa, 25 urte

iparra-hegoa6Enbata Hilabetekariko Sar Hitza 

Heldu den martxoaren 23tik 29ra, 25. edizioa izanen du Iparra-Hegoa asteak. Urruñako eta Segurako lagun-talde batzuek besta batean ezagutu zuten elkar, eta handik sortu zen Seguran Ipar Euskal Herriari buruzko aste bat antolatzeko ideia. Geroztik bide handia egin du ekimen hark, eta zilarrezko ezteiak ospatuko ditu, osagarri onean eta segida bermatzen hasirik, belaunaldi berrien inplikazioari esker.

Gaur egun, Iparra-Hegoa ez da bakarrik Seguran antolatzen den astea. Aitzineko egun eta asteetan ekitaldi franko antolatzen da, bai Goierrin, bai Ipar Euskal Herrian. Iaz, lehen aldiz, besta egun bat iragan zen Baigorrin, baigorriarrek eta Iparra-Hegoa elkartekoek antolaturik.

Aurten gisa bereko zerbait antolatuko da Larresoron, otsailaren 15ean. Bernat Etxepare lizeoko ikasleak eta ikasle ohiak gogo handiz ari dira parte hartzen, ez bakarrik Larresoroko ekitaldiaren prestaketan; Iparra-Hegoa astean egonaldi bat egiten dute, Goierri ezagutzeko, eta baita ere hango enpresak, hango lekuak eta hango jendea.

Baina, horrez gain, ikusgarri bat prestatzen dute, Seguran emateko. Eta aukera daukate, Iparra-Hegoak ezker-eskuin egin dituen harremanen bidez, ikusgarri hori beste zenbait lekutara eramateko.

Iparra-Hegoa-k harremanetan jarri ditu Ipar Euskal Herriko ikastoletako haurrak Segurako haurrekin, ekoizleak hango erosleekin; kantariak, dantzariak, antzerkilariak, idazleak, ekonomian ari direnak, sukaldariak, euskalgintzan edo herrigintzan ari direnak eta beste hainbat gurutzatu dira Euskal Herriko beste lekuetakoekin. Elkarren berri eman eta bildu dute, elkarrekin zenbait ekimen berri pentsatzen hasi dira. Xumeki, etxekoz etxeko, Euskal Herriaren barne zatiketaren kalteak mirari batez konpontzeko indarrik eta pretentsiorik gabe, baina harri bat ekarriz elkar ezagutzari eta gure herriaren eraikuntzari.

Iparra-Hegoa-k harremanetan jarri ditu
Ipar Euskal Herriko ikastoletako haurrak
Segurako haurrekin,
ekoizleak hango erosleekin;
kantariak, dantzariak, antzerkilariak, idazleak,
ekonomian ari direnak, sukaldariak,
euskalgintzan edo herrigintzan ari direnak.

Iparra-Hegoatik sortu zen Euskal Herriko Mus Txapelketa, txapelketa ofizialetatik kanpo, baina arrakasta handia lortu duena. Beste hainbat ekimen ere bultzatu edo lagundu ditu, eta ari da gure herriaren ehuntzeari begirako ekimen gehiago diseinatzen.

Iparra-Hegoa ez da loturak eraikitzeko lanetan ari den ekimen bakarra. Aspaldian badira hainbat senidetze –adibidez, Aiherra- Antzuola, Uztaritze-Tolosa edo Hazparne-Azpeitia–, lan preziatua egiten dutenak elkar ezagutze horretan. Aurten, Iparra-Hegoak gisa bereko beste ekimenak eta senidetzeak bildu nahi ditu, elkarren berri edukitzeko, bakoitzak bere esperientziak kontatzeko, elkarrengandik ikasteko, sareen sare bat osatzen hasteko eta Iparra-Hegoaren gisako ekimen gehiagoren hazia barreiatzeko.

Agenda eta egituraketa instituzionalak diseinatzen duen politikak euskaldunak elkarrengandik urrundu gaitu azken urteetan. Urratzen ari den oihal hori berriz josteko hariak dira Iparra-Hegoa bezalako ekimen ttipiak, leku finko batekoak, baina leku horretako herritarren bista zabaltzen laguntzen dutenak. Eta ez bakarrik “Iparraldea” eta “Hegoaldea” elkarrekin harremanetan jartzen dituztelako: Iparra-Hegoak loturak eraiki ditu Euskal Herri osoko jende eta ekimenekin.

Funtsezko ekimenak dira gure herri kontzientzia indartzeko, gure kultura zabaltzeko, euskarari balioa emateko, barne turismoa sustatzeko eta elkarlan ekimenak abian jartzeko. Adiskidetasunez, giro onean, gure sena entzunez, naturaltasunez. Halakoak dauden bitartean, badago esperantza zerbait. Ea biderkatzen diren. 

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).