Jendetsuak, alaiak, garbiak. Euskaldunak?

PrintFriendly and PDF

BaionakoBestak1

Enbata Hilabetekariko Sar Hitza

Baionako bestak iragan dira. Jendetsuak, alaiak, garbiak, antolatzaile eta arduradunen ikuspuntutik bederen. Bakoitzak nahi duena pentsa dezake baina Baionako bestek ez dute nehor axolagabe uzten. Maite ditugu asko edo gaitzesten. Ez da ere Baionako bestak egiteko manera bakar bat, badira asko.

Iparraldeko pestazale guziek badakite erraten zer nolako bestak maite dituzten. Batzuentzat asteazkeneko lasterkaldian hasten dira, beste batzuentzat egunez egiten dira, Baiona ttipian edo berdin Baiona handian, batean edo bestean. Bestak kantuz eta dantzan bizi izateko aukera izan daiteke, lagunen edo lankideen artean bazkari baten antolatzeko parada. Eta iduri luke aurtengo besten kari parte hartzaile guziek nahikari hau bazutela: bestetako plazerari berriz lotzea.

Orokorki bestak ezagutzen dituzten guziek estimatuko zuten aurtengo giroa: jendetsua, alaia, garbia. Onartu behar da egunez egiten direlarik, giro berezia senti daitekeela, ostatuetan, elkarteetan, karriketan, euskal nortasuna agerian da. Atorretan pegatinak, murruetan afixak, noiztenka euskal kantu bat eskuin edo ezker, eta musika taldeak, txarangak, gaiteroak, bandak, goiti eta behera karrika gehienetan.

Erran daiteke Baionan, tenore batean, arratsalde apalean, milaka eta milaka lagun hurbiltzen direnean, giroa aldatzen dela. Karrikak betetzen dira, musikaren soinua emendatzen eta musika bera aldatzen. Baionako bestak alimaleko “rave party“-a bilakatzen dira orduan, musika elektronikoek dute lehentasuna lortzen. Bum! Bum! Bum! Bum! Bum! Bum!…

Pentsa dezakegu besta berdina bizi daitekeela edozein lekutan, Parisen, Londresen, edozein lekutan… Gauza batek desberdintzen gaitu haatik, xuriz bezti izateak… Ikusiz jende gehienak, kanpotar gehienak, gauez direla hurbiltzen, zein irudi, zer sentipenekin sartzen dira etxera? Zer berezitasun bizi izan dute Baionan izanez? Noiz, non, nola nortasun berezi baten seinalea neurtzen ahalko lukete? Zergatik giro aldaketa hori? Zergatik uniformitate hori? Zer nolako bestak eskaini behar ditugu? Zer irudi zabaldu nahi dugu? Frantzia guzitik heldu diren pertsonek nahi dituzten bestak antolatu behar ote ditugu? Ala gure ohituran egonez, gure nortasunetik hurbil diren bestak mantendu?

Gustu guzientzat izan behar dira, bakoitzak aurkitu behar du nahi duena, estilo guziak, kultura guziak. “Beti gehiago, beti gehiago” konzeptua bazter utzi behar dugu.

Zer ekartzen digu jakiteak Baionako bestak frantziako lehenak edo Europako hirugarrenak direla jendetzaren aldetik? Zergatik ez gogoetatu zer bilaka daitezkeen Euskal Herriko bestarik ederrenetako horiek, denei irekiak izanez, denentzat antolatuak?

Ildo horri jarraikiz Baionako besten arazo guziek hobekuntza bat lor lezakete, bereziki segurtasun mailan, diruztatze mailan…

Eztabaida hau ez da gaurkoa, internet sarean zenbait iritzi irakurri dira ere. Berdin egiazko gogoeta baten irekitzeko garaia da

Un commentaire

  1. Laurent Roux
    Publié le 13/09/2022 à 08:36 | Permalien

    Effectivement deux fêtes, deux ambiances mais est ce que ce n’est pas le propre des fêtes d’être multiples ? La question, en sous entendu de ce papier, à poser est de savoir ce que l’on veut en matière de fête populaire de rue ?
    La question de la sonorisation à outrance avec des flots de décibels rejetées dans la rue est le sujet majeur. Il faut apaiser la rue et rendre à cet espace commun sa destination initiale à savoir un lieu d’échange et de partage.
    D’un point de vue très technique, je serai content de connaitre l’avis du premier magistrat de notre cité sur l’utilité de la sono de sécurité en cas de problème majeur face aux sonorisations fortes en décibels. Un débat doit être posé et un travail mené dès cet automne et non au mois de juillet comme cette année.

  • Newsletter



  • Soutenez Enbata

    En-kiosque2015-05-FR

    Soutenez Enbata ! A partir de 40€, recevez chaque mois Enbata magazine dans votre boite aux lettres.

    Abonnez-vous / Soutenez-nous

  • Thématiques

  • Mots-clés

  • Vidéos

    video