Agur Katalunia

AgurKataluniaKatalanek euskaldunak maite gaituzte, miresten gaituzte, laguntzen gaituzte.Guk ordainez, katalanak ez ditugu hainbesteko estimuan.

Oportunistak omen dira, malgu, biguin eta mardoak, ez aski abertzaleak, ez aski gogor eta finak, oroz gainetik tratulariak, dirugoseak eta sosekoak.Hori da hantxe, hortxe, franko maiz entzun dudana, bereziki Hegoaldean. Eta hona non independentziaren mugara ditugun, Espainiako gobernuaren aitzinean lerden, beldurgabe, lotsagabe, ederki bilduak, antolatuak, beren xedeetan ongi finkatuak eta deliberatuak.

Eta ber denboran, gu non gaude ? Zatituak, nahasiak, desbideratuak, gure aharra, liskar, kalapita, kasailetan korapilatuak, bereziki Baskongadetan, abertzaleen indarra nagusi den gunean. Gaur egun katalanek etsenplu onarekin, ikasgai ederra ematen digute. Eskerrak zor dizkiegü horretaz ere. Ez dut erraten itsutuki imitatu behar ditugunik. Euskaldunoi dagokigu orain eta hemen egoki zaigun bidearen finkatzea. Baina horretarako, asko ikasten ahal dugu katalanenganik, bereziki alderdiak elkarlanera erakarriko dituen mugimendu herritar baten beharraz, sorreraz eta bilakaeraz.

Katalunian gizarte politikoa baino lehen mugitu eta bildu da jendarte zibila. Euskal Herrian ere, bereziki ahalik gehien duen Mendebaldean, holako zerbaiten premia suma daiteke gauden egoera nahasi eta zatituan, ezen alderdi politiko batek bere interesak oroz gainetik eman ohi ditu, eta bereziki botereaz jabetzeko xedea ADNean dauka.

Etsenplutako, Aberri Egun epikoa bera zer bilakatua zaigu maiz? Alderdi egun arrunta, bai eskuinetik, bai ezkerretik. Pentsa zer dituzten eta ditugun gainerako astelegunak, urte bazter batetik besterako prosa lauan murgilduak!

Gainera euskal alderdi unionistek Aberri Eguna ez dute ospatzen. Baina euskarari ohartzen hasiak dira: bada zerbait; haatik horretan ere, zer ikasia badute Kataluniako unionistenganik.

Abertzaleek ere funtsean, euskarak ez baitu behar lukeen lekurik espirituetan eta praktikan.

Katalana ordea, arruntean, kasik denen ahotan badabila, ez dakitenen aurrean berdin, adibidez gure aitzinean eta  konpainian. Gu hortik urrun gaude.

Aitor dezagun: maiz euskaldun petoen artean ere, erdaretara lerratzen gara berehala…

Beraz Gora Katalunia! Eta hemen gogotik  errepikatzen dut 2004ko Antso Handia trajerian Maulen kantatu genuena.

Gure bizki handia beste huren jüntan,
Simetria bitxian talai barrokoa
Hortik noiztara horra xuririk hegoa
Eta goizez ekia pintzel baten püntan.

Ebro ibaian goiti zer aire goxoa
Hortik builtaka heltzen beste itsasoa
Haritxari jüntatzen oliba ondoa
Katalunia Euskadik holaz dü aüzoa.

Kanigotik Orhira, zelü da bortüa
Hegiz hegi dabila poeten kantüa
Nik ere ahal banü bardin egin niro
Biba Casals, Gaudi, Llachs, Maillol eta Miro!

Agur Katalunia,
Eüskaldünen ihes lekürik hoberena
Agur Bartzelona,
Ekialdealako bortarik ederrena!

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).