par 
Giltzak ateak ireki eta hesteko balio zaizkigu. Aitzina egiteko, ate batzuk hetsi eta heste batzuk ireki behar ditugu. Giltzak, egunero erabiltzen ditugun ezinbesteko tresnak dira eta beste batzuetan ere, bizitzako zenbait alorretan, pertsonak gara giltzen funtzio hori betetzen dugun subjektu garrantzitsuak. Gizarteak aitzina egin ahai izateko prozesu hori ahalbidetzen dugunak izan gaitezke.
Gaur egungo gazteok gure herrian urte luzez iraun duen gatazka armatua bizi ez dugun arren, gatazka horren ondorioak ezagutu eta gutako askok pairatzen ditugu oraindik. lzan ere, gaur egun gatazka eratorritako egoera bidegabea eta giza eskubideen aurkakoa pairatzen jarraitzen dute euskal presoek.
Azken urteetan aurrerapauso garrantzitsuak eman dira euskal presoen eskubideen aitortzan. Horren artean, aurreko martxoan hiru hamarkada luzez euskal gizarteak ezagutu duen salbuespen neurririk lazgarrienetakoa zen dispertsioari amaiera eman zitzaion. Euskal gizartearen eta tartean gazteon lanari eta indarrari esker dispertsionaren atea hetsi genuen.
Hala ere, euskal presoen eskubideak urratzen dituzten beste hainbat saibuespen neurrik oraindik indarrean jarraitzen dute eta gatazkaren konponbiderako honekin amaitzea ezinbestekoa dela deritzogu.
Ez du inolako zentzurik ETAk bere jaduera amaitu zuenetik 12 urte eta desegin zenetik 5 urte igaro ondotik, terrorismoaren aitzakipean euskal presoen zigorrak areagotzeko espreski sorturiko salbuespenezko legedia baten ondorioz bizi osorako zigorrak aplikatzea, gaixo dauden presoak espetxean mantentzea edota estatu espainiarrean espetxeratzean franrziar estatuan espetxeratuta egondako urteak kontuan ez hartzea, zigorra birritan betetzera behartuz.
Are gehiago, euskal presoen legediak zehaztutako baldintzak betez dagokien ibilbide penitentziarioan aurrerapausoak ematea galarazten dieten erabaki judizialek ez dute inolako kabidarik gaur egungo testuinguruan. Erabaki judizial horiek eta beste hainbat sektoreren jarrerek euskal gizartea iraganean gotortzeko jarrera argia erakusten dute. Gatazkaren ondorioak betikotu eta konponbidea lortzea ezinezkoa egin nahi dute.
Gazteok bereziki kezkatzen gaitu egoera honek. Eta etorkizun hobe bat eraikitzeko ezinbesteko subjektuak izan gaitezke eta izan nahi dugu. Gure herri eta auzoetan eguneroko lanaren bidez, bakean eta elkarbizitzan oinarritutako gizartea eraiki nahi dugu. Eskubideen urraketaren eta salbuespen legediaren ateak hetsi, eta konponbidearen ateak irekitzeko giltza izan nahi dugu. Gazteok gara etorkizunerako giltza.
Horregatik, gazteriari, gure belaunaldi osoari, giltzak eskuan har ditzaten eta gurekin batera Bilbon egoteko deia luzatzen diogu. Ipar Euskal Herritik ere autobusak antolatuak dira Donibane Garazi, Kanbo, Hazpame, Baiotna, Donibane Lohitzune eta Pausutik.
Urtarrilaren 13an Bilboko karrikak beteko ditugu.