Poliziaren indarkeria

EditoaEnbata Hilabetekariko Sar Hitza

Nathalie Flores. 37 urte. Hila. Tiroz. Baionan. Polizia kontrol batetik ihes egitean. Urtarrilaren 11n hil zuen Frantziako Poliziako agente batek, eta berriak harridura eragin eta hautsak harrotu zituen. Alliance sindikatuak babesa agertu zion tiro egin zuen poliziari; bere burua defendatzeko egin omen zuen tiro. Poliziaren sindikatuak emaztea bera kriminalizatu du: drama hark erakusten omen du “zenbait erabiltzaileren portaeraren bilakaera polizia nazionalen kontra”. Emazte gazte hura ez da gehiago hemen esplikatzeko zergatik ihes egin zuen kontroletik, baina ez bide zen armatua, ez “gaizkile arriskutsua”, bestela goraki azpimarratuko zuketelako. Eta lekukorik ere ez dago, polizia haiek salbu.

Zabaldu diren xehetasunen arabera, polizien bizia ez zegoen arriskuan gidariaren kontra tiro egin zuten unean. Egia da polizietako bat belaunean zauritu zuela autoz ihes egitean, baina poliziak tiro egin zuen eskapatzen ari zen norbaiten kontra, eta ez eraso egiten ari zen baten kontra, ordurako haiengandik urrundua zelako (horrek ez du erran nahi eraso egiten ari balitz zilegi zatekeela hiltzea; tiro egitekotan ere, poliziak ahalegindu behar du ez hiltzeko gisan tiro egiten). Eta baldintza horietan tiro egitea ez da sartzen legeak onartzen duen “defentsa eskubidearen” baitan.

Elkarretaratze bat izan zen hilketa salatzeko. Baina boterearen ordezkariak eta indakeria gaitzetsi behar dela ahobeteka ari direnak franko isilik egon dira. Hiltzea gaizki bada, polizia batek hiltzea ere gaizki da. Baina poliziak hiltzen duenean, ez da gaitzespen handirik entzuten. Baionako gertakariak ez du loturarik, bistan da, orain eztabaidatzen ari diren Frantziako Segurtasun Orokorreko Legearekin. Ez du loturarik… eta badu. Zergatik nahi da debekatu eta trabatu polizien irudiak erakustea? Zergatik nahi da zaildu kazetarien lana eta galarazi herritar xumeek beren sakelako telefonoekin polizien gehiegikerien lekukotasunak grabatzea?

Azkenaldian poliziaren irudi oldarkor franko ikusi dugu. Ikusi ditugu herritar xumeen kontra oldartzen. Gogoan dugu duela zenbait hilabete ertzainek nola zanpatu zuten emazte xahar bat; berriki ikusi ditugu Donostiako irudiak, etxeratze agindua baino ia oren bat lehenago gazteen kontra oldartzen… Gero, istiluak daudenean, bertsio ofizialak gazteak jotzen ditu erruduntzat, Frantziako Poliziaren sindikatuak Nathalie Flores kriminalizatu duen bezala.

Beharrik baditugula irudi horiek! Baina, funtsean, poliziaren bortizkeriarako bilakaera hori eta legearen aldaketa eskutik lotuta doaz.

Azken urteetan Hego Euskal Herrian (eta Espainian) Mozal legea indarrean dago, eta kazetari, argazkilari eta herritar anitzek isun andana bat ukan dute horregatik. Poliziaren bortizkeria erakustea gero eta zailagoa da. Eta Frantziak gauza bera egin nahi du. Poliziaren bortizkeria erakustea zailtzen bada, informazio eskubidea urratzeaz aparte, herritarren askatasuna murrizten da, poliziaren bortizkeria errazten eta poliziaren inpunitatea laguntzen. Eta, bitartean, poliziaren presentzia gero eta handiagoa da (lehen ere ez zen, bada, ttipia!).

Eta orain, Nafarroaren eta Ipar Euskal Herriaren arteko hainbat pasabide itxi dizkigute, atentatuen beldur direlakoan. Eta irekiak diren mugetan kontrol sistematikoa dago, larruaren kolorearen arabera, kontrolatua izateko arrisku ttipiagoa edo handiagoa izanik. Poliziaz jositako herria herri zapaldua da; herritar bentzutuak eta beldurtuak nahi dituzte. Ikaratzekoa da nora eraman gaitzakeen bide horrek. Poliziaren nagusikeria dagoen lekuan, gauza onik ez.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.


Pour tout soutien de 50€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.


50€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).