Udalbiltza bere burua birkokatzen

MaiteIturre
Maite Iturre, Udalbiltzako hautetsia eta Nafarroko Cederna garapen agentziako lehendakaria

Udalbiltza, erakunde publiko nazional bakarra, Euskal Herriaren lurralde kohesioa indartzeko pauso berriak emaiten ari da. Maite Iturre, Udalbiltzako hautetsiak eta Nafarroako Cederna garapen agentziako lehendakariak aurkezten dauku Euskal Herriaren aro politiko-instituzional berri honetan Udabiltzak egoera berrira egokitzeko aitzina daraman prozesua eta ekainaren 1an, Eusko Ikaskuntza eta Euskal Herriko Garapen Kontseiluarekin batera Udalbiltzak Baionako Euskal Museoan ko-antolatzen duen muga-gaindiko foroa.

Euskal Herriaren aro politiko-instituzional berria

Azken denbora hauetan, aldaketa politiko inportanteak gertatu dira Euskal Herrian, izan bake eta normalizazio politiko prozesua, Nafarroan aldaketa politikoa egitura publikoetan, Euskal Elkargoaren sorrera, EAEn autogobernuari buruzko eztabaida ala erabakitzeko eskubidearen aldeko gehiengo zabala parlamentuan.
Hots, Euskal Herriaren lurralde kohesioa eta eskualde ezberdinen arteko artikulaziorako baldintza baikorrak elkartzen ari dira. Testuinguru berri honen harira, Udalbiltzak bere burua birkokatu behar du, bere misioa egoera eta baldintza berriei behar bezala egokitzeko gisan.

Egoera berrira egokitzeko gogoeta prozesua

Horregatik “Udalbiltzan bagabiltza” izeneko gogoeta prozesa abiatu du erakunde nazionalak, asmo horri erantzuteko. Udalbiltzaren funtzioetaz hausnartu nahi da taldean, baita bere funtzionamenduaz ere.

Zein dira Udalbiltzaren etorkizuneko lan ardatzak? Nola antolatua izan behar da?

Galdera hauei erantzuteko, Euskal Herri osoko hautetsi atxikituengana hurbildu gira, haien iritziak eta ideiak biltzeko. Jadanik 400 hautetsik parte hartu dute prozesuan eta biziki aberasgarri eta argigarri izaten ari da.

Horrez gain, hilabete hondarra aitzin, euskal herritar orok bere ikusmoldea agerrarazteko parada du gai horren inguruan, on-line galdeketa honen bidez: http://udalbiltza.eus/inkesta

Izan ere, Luis Intxauspe Udalbiltzako lehendakariak argiki azpimarratu du desmartxa honen garrantzia, bere ustez, “herritarren iritzia kontuan hartu gabe Udalbiltzak ez lukeelako zentzurik”.

Gogoeta prozesu zabal hori bukatzeko, gizarte zibileko eragileei ere luzatuko diegu ekarpenak egiteko deia. Behin fase ezberdin horiek hetsi eta, udan osatuko da bildu diren ekarpenen sintesia, udazkenean publikoki aurkezteko gisan.

Intxauspe lehendakariak azaldu du momentu inportantea dela Udalbiltzarentzat “orain, hautetsien, hautetsi ohien, herritarren eta eragileen artean biharko Udalbiltza marraztu behar baitugu, Euskal Herriaren lurralde kohesioaren zereginean Udalbiltza ezinbesteko tresna baita, erakunde publiko nazional bakarra izanik guk egiten duguna ez baitu beste inork egiten”.

Euskal Herriaren lurralde kohesioaren eraikuntzan pauso berriak emateko garaia

Gogoetaz gain, Udalbiltzak segitzen du bere hasierako xedeen lantzen, eta horregatik antolatzen du topaketa garrantzitsu bat heldu den ekainaren 1ean, muga-gaindiko lankidetzaren gaia mahai-gaineratzeko, aro politiko-instituzional berriaren harira.

Muga-gaindiko foro hori Eusko Ikaskuntza eta Euskal Herriko Garapen Kontseiluarekin batera ko-antolatzen da.

Izan ere, testuinguru politiko berriaren elementuetariko bat da, hain zuzen, Euskal Elkargoak muga-gaindiko eskuduntza duela. Horrek bide berriak irekitzen ditu dudarik gabe, mugaz bestaldeko territorioen parean sujetu politiko bakar gisa agertzen delako. Gisa berean, Ipar Euskal Herria bir-posizionatu beharko da euro-eskualdearen eskalan. Horretaz hitz eginen dute hizlari ezberdinek, bereziki Luis Intxauspe Udalbiltzako lehendakariak, Marc Moulin Akitania-Berria-Euskadi-Nafarroa euro-eskualdeko zuzendaria, Daniel Arbulu Gipuzkoako Foru Aldundiako muga-gaindiko lankidetzarako zerbitzu-burua eta Caroline Phillips, Euskal Herriko Garapen Kontseiluko lehendakariak.

Aitortza horren bidez, pauso berriak emaiten ahalko dira muga-gaindiko lankidetzaren alorrean, bereziki arlo sozio-ekonomikoa eta tokiko garapenari begira. Horretaz mintzatzeko hor izanen ditugu Michel Etxebest, elkargoko ekonomia karguduna, Battitt Laborde elkargoko mendi politiketarako kontseilaria, Gipuzkoako Foru Aldundiako ordezkari bat eta ni, Udalbiltzako hautetsi eta Nafarroko Cederna garapen agentziako lehendakari gisa.

Muga-gaindiko foroa iraganen da ekainaren 1ean Baionako Euskal Museoan, arratsaldeko 6etatik goiti, eta gonbita irekia da publiko zabalari.

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).