UEU eta Bernat Etxepare Lizeoa, elkarrekin hazten

Bernat Etxepare UEU

UEUk bat egin du Baionako Bernat Etxepare lizeoak abian duen “Hazten gaitu, hazten dugu” kanpainarekin. Honen bidez, lizeo berriarentzat ekipamendu eta materialak lortu nahi dira sagarrondoak salduz. Bernat Etxepare lizeoa da Ipar Euskal Herrian irakaskuntza euskaraz eskaintzen duen lizeo bakarra, eta UEU ere euskarazko unibertsitate proiektu euskalduna izanik, bidelagun izatea erabaki du kanpainaren zabalkundean lagunduz eta ekarpena eginez. Horretaz gain, indarrak bildu eta elkarlanean aritzeko asmoa dute Ipar Euskal Herrian euskarazko eskaintza sustatzeko.

Prentsaurrekoan Iñaki Alegriak, UEUko zuzendariak; Hélène Charrittonek Lizeoko zuzendariak eta Estelle Gognik kanpainako arduradunak hartu dute parte.
Iñaki Alegriak kanpaina honekin bat egiteko arrazoiak eman ditu: “Bernat Etxepare lizeoa Ipar Euskal Herrian irakaskuntza euskaraz eskaintzen duen lizeo bakarra da. UEU ere Ipar Euskal Herrian sortu zen, eta nazio mailako euskarazko unibertsitate proiektua da. Ipar Euskal Herrian euskararen egoera zein den kontuan hartuta, eta bakarra izanda, Etxepare lizeoaren egitekoa izugarri garrantzitsua da. UEUk ia 45 urte daramatza Ipar Euskal Herrian euskarazko formakuntza eskaintzen, eta alor akademikoan lanean ari diren erakunde eta elkarteekin elkarlana sustatzen saiatzen gara ditugun baliabideei ahalik eta etekin handiena ateraz. Begi-bistan geratzen dira Etxepare lizeoak eta UEUk partekatzen ditugun ezaugarriak eta horregatik erabaki dugu kanpaina hau sustatzea. Kanpainaz gain ordea, UEUrentzat oso garrantzitsua da unibertsitatera salto egitear dauden gazte horiei UEUren proiektua aurkeztea eta bertan ekarpenak egiteko aukera eskaintzea, eta horregatik gure asmoa da bi erakundeen harremanak estutu eta hemendik aurrera batera lanean jarraitzea euskarazko eskaintza Ipar Euskal Herrian indartzeko”.

Hélène Charritton Lizeoko zuzendariak lizeoaren nondik norakoak azaldu ditu: “Euskarazko heziketan Bernat Etxepare lizeoa da ipar Euskal Herrian irakaskuntza euskaraz eskaintzen duen lizeo bakarra. Honek erran nahi du Iparraldeko edozein txokotako ikasle batek euskaraz gauzatu nahi baditu bere ikasketak Baionako lizeora heldu behar duela. 260 ikasle ditugu ikasturte honetan (Lapurdi kostatik 107 ikasle, Lapurdi Barnekaldetik 93 ikasle, Baxe Nafarroa Xiberutik 60), 30 irakasle eta 20 langile”.

Helburu pedagogikoei begira, frantses hezkuntza ministeritzako programak betetzen ditu Lizeoak, bai eta baxoko diplomaren prestaketa ere. Ikasleek baxoan historia eta matematika euskaraz pasatzen dute (eta euskara LV2 2. hizkuntza gisara) baina gaineratiko gaiak frantsesez. Beraien helburua baxoa osoki euskaraz pasatzea litzateke. Era berean, EGA eta Euskal curriculuma lantzen dituzte.

Datorren ikasturtean 400 ikaslerendako lizeoa orokor, teknologiko eta profesionala jarri nahi dute martxan. Charrittonek finantziazioaren berri eman du: “Lizeoaren eraikuntzak 10 milioi euroko aurrekontua du. Erran izan dugun gisan, Akitaniako Kontseiluak 7,2 milioi euroko diru-laguntza emanen du. Gaineratekoa Herri Urratsen bidez, kanpaina ezberdinen bidez lortu beharko dugu. Eskas izanen dena mailegu bidez. Eraikinen altxatzeko eta barne ekipamenduaren aurrekontuak bereizi behar dira. Gelak, jan gela, kirol gunea eta barnategian beharko den materiala guzia Bernat Etxepare elkartearen gain
gelditzen da. Horregatik dugu abiatzen “Hazten gaitu, hazten dugu” kanpaina”. Bukatzeko, Lizeoko zuzendariak UEUren laguntza eskertu du eta hauxe bi erakundeen arteko ibilbide luzearen lehen pausoa izatea espero duela azaldu du.

Estelle Gognik, kanpainako arduradunak hartu du azken hitza: “Hélènek aipatu duen bezala, arlo teknologiko eta profesionalarendako eraikiko den lizeo berria sortuko da 2017ko irailean. Bi sail profesionala proposatuak izanen dira: Salmenta Baxo pro eta JLHB Baxo pro (Jendeari Laguntza eta Herri Bizia). 300.000€ behar dira barne antolakuntzarentzat (mahaiak, apal, arbel, ordenagailu, ohe, sukalde…). Horretarako jarri dugu “Hazten gaitu, hazten dugu” kanpaina martxan. Gure kulturan zuhaitzak eta bereziki sagarrondoak izan duen eta duen garrantzia ikusiz, sinbolo gisa hautatu dugu kanpainarendako: praktikoki sagarrondoak saltzeko, bainan ere sinbolikoki mezua pasarazteko. Sagarrondoak, euskara, ikastola eta Lizeoa irudikatzen ditu. Irudi zentral horri ideia eta balore frango lotzen dizkiogu. Euskarak, lizeoak, hazten, hezten, handitzen, zaintzen gaitu baina guk ere haiek: eten gabe elgar elikatzen dugu. Sagarrondoak ziklo osoa du, ikastolako ikasprozesuak duen bezala, etengabe indarberritzen dena, heziketa bezala. Sagarrondoak salduko ditugu lagundu nahi gaituzten jende guzieri. Sagarrondoa erosten duenak beretzat atxiki dezake edo gure gain utz dezake EUSKARAREN SAGARDIA sor dezagun. Sagardi hau Baionako lur zati batean sortzeko asmoa dugu, lizeoa toki finko bati identifikatzeko eta lurrarekin dugun atxikimendua inguruko jendeekin partekatzeko. Amaitzeko, UEUk kanpaina honetarako eskaini digun laguntza asko estimatzen dugu, eta gaurko agerraldia baliatu nahi dugu Euskal Herri osoko biztanleei kanpainaren berri eman eta laguntza eskatzeko. Izan ere, denon laguntza beharrezkoa izango dugu datorren ikasturtean ikasleek baldintza onenean ikasturtearen sartzea egin dezaten”.

Nola laguntza ekar?

UEUk Euskararen sagardian bere txokoa edukitzeko asmoa dauka, eta hori dela eta bere bazkideen artean ekarpenak jasotzeko kanpaina abiatu du. Era berean, gizarte osoari dei egiten dio kanpaina zabaldu eta bere alde beraien ekarpena egin dezaten. Horretarako UEUk bi kontu korronte prest ditu nahi duen orok kanpaina honetan nahi duen laguntza eman dezan (izena eta abizena eta LIZEOA jarri behar da):

• Credit Mutuel: FR76 1027 8022 7700 0508 6224 057
• Laboral Kutxa: ES16 3035 0019 99 0190700210

Kanpainaren berri zehatzagoa izateko: www.betxepare.eus

Soutenez Enbata !

Indépendant, sans pub, en accès libre, financé par ses lecteurs
Faites un don à Enbata.info ou abonnez-vous au mensuel papier

Enbata.info est un webdomadaire d’actualité abertzale et progressiste, qui accompagne et complète la revue papier et mensuelle Enbata, plus axée sur la réflexion, le débat, l’approfondissement de certains sujets.
Les temps sont difficiles, et nous savons que tout le monde n’a pas la possibilité de payer pour de l’information. Mais nous sommes financés par les dons de nos lectrices et lecteurs, et les abonnements au mensuel papier : nous dépendons de la générosité de celles et ceux qui peuvent se le permettre.
« Les choses sans prix ont souvent une grande valeur » Mixel Berhocoirigoin
Cette aide est vitale. Grâce à votre soutien, nous continuerons à proposer les articles d'Enbata.Info en libre accès et gratuits, afin que des milliers de personnes puissent continuer à les lire chaque semaine, pour faire ainsi avancer la cause abertzale et l’ancrer dans une perspective résolument progressiste, ouverte et solidaire des autres peuples et territoires.
Chaque don a de l’importance, même si vous ne pouvez donner que quelques euros. Quel que soit son montant, votre soutien est essentiel pour nous permettre de continuer notre mission.
Faites un don ou abonnez vous à Enbata : www.enbata.info/articles/soutenez-enbata

  • Par chèque à l’ordre d’Enbata, adressé à Enbata, 3 rue des Cordeliers, 64 100 Bayonne
  • Par virement en eusko sur le compte Enbata 944930672 depuis votre compte eusko (euskalmoneta.org)
  • Par carte bancaire via système sécurisé de paiement en ligne : paypal.me/EnbataInfo
  • Par la mise en place d’un prélèvement automatique en euro/eusko : contactez-nous sur [email protected]

Pour tout soutien de 40€/eusko ou plus, vous pourrez recevoir ou offrir un abonnement annuel d'Enbata à l'adresse postale indiquée. Milesker.

Si vous êtes imposable, votre don bénéficiera d’une déduction fiscale (un don de 50 euros / eusko ne vous en coûtera que 17).

Enbata sustengatu !

Independentea, publizitaterik gabekoa, sarbide irekia, bere irakurleek diruztatua
Enbata.Info-ri emaitza bat egin edo harpidetu zaitezte hilabetekariari

Enbata.info aktualitate abertzale eta progresista aipatzen duen web astekaria da, hilabatero argitaratzen den paperezko Enbata-ren bertsioa segitzen eta osatzen duena, azken hau hausnarketara, eztabaidara eta zenbait gairen azterketa sakonera bideratuagoa delarik.
Garai gogorrak dira, eta badakigu denek ez dutela informazioa ordaintzeko ahalik. Baina irakurleen emaitzek eta paperezko hilabetekariaren harpidetzek finantzatzen gaituzte: ordaindu dezaketenen eskuzabaltasunaren menpe gaude.
«Preziorik gabeko gauzek, usu, balio handia dute» Mixel Berhocoirigoin
Laguntza hau ezinbestekoa zaigu. Zuen sustenguari esker, Enbata.Info artikuluak sarbide librean eta urririk eskaintzen segituko dugu, milaka lagunek astero irakurtzen segi dezaten, hola erronka abertzalea aitzinarazteko eta ikuspegi argiki aurrerakoi, ireki eta beste herri eta lurraldeekiko solidario batean ainguratuz.
Emaitza oro garrantzitsua da, nahiz eta euro/eusko guti batzuk eman. Zenbatekoa edozein heinekoa izanik ere, zure laguntza ezinbestekoa zaigu gure eginkizuna segitzeko.
Enbatari emaitza bat egin edo harpidetu: https://eu.enbata.info/artikuluak/soutenez-enbata

  • Enbataren izenean den txekea “Enbata, Cordeliers-en karrika 3., 64 100 Baiona“ helbidera igorriz.
  • Eusko transferentzia eginez Enbataren 944930672 kontuan zure eusko kontutik (euskalmoneta.org-en)
  • Banku-txartelaren bidez, lineako ordainketa sistema seguruaren bidez: paypal.me/EnbataInfo
  • Euro/euskotan kenketa automatikoa plantan emanez: gurekin harremanetan sartuz [email protected] helbidean

40€/eusko edo gehiagoko edozein sustengurentzat, Enbataren urteko harpidetza lortzen edo eskaintzen ahalko duzu zehaztuko duzun posta helbidean. Milesker.
Zergapean bazira, zure emaitzak zerga beherapena ekarriko dizu (50 euro / eusko-ko emaitzak, 17 baizik ez zaizu gostako).