Mixel Berhocoirigoin nous a quittés

EHLG - Le décès de Mixel Berhocoirigoin nous attriste profondément. Mixel avait activement participé à la création d’Euskal Herriko Laborantza Ganbara dont il fut le premier président pendant une dizaine d’années.
Mixel a beaucoup aidé à définir le projet d’agriculture paysanne, à le partager avec la société civile. Et nous ne perdrons pas cette boussole, cela est certain ! La philosophie de Mixel était d’œuvrer concrètement, dans la réalité plus que dans la théorie. La réalité n’est pas toujours celle que l’on souhaite, mais collectivement, nous pouvons faire beaucoup pour la changer. (...)

Gogoan zaitugu Mixel

BATERAko talde eragilea - Borrokaldi askoren artean BATERA plataformako sortze eta dinamizatzean ere parte hartu du Mixelek, Ipar Euskal Herriak ezagupen instituzionala eta ahalduntzeko tresna lor ditzan. Gogoan ditugu berarekin bizi izandako momentu goxo edo zailak, gogoeta ugariak, mobilizazio mota desberdinak eta garaipenak.
Xantza izan dugu Mixelekin partikatzea ibilbide hau urte guzti horietan. Xantza izan du Euskal Herriak Mixel bezalako militante et pertsona zintzo bezain argia ukaitea. (...)

Mila esker, Mixel. Agur eta ohore!

ELA - Michel Berhokoirigoinen heriotza kolpe gogorra izan da ELArentzat, baita mugimendu abertzale guztiarentzat ere. Horregatik, Nazio Batzordeak une beltz honetan besarkadarik beroena helarazi nahi die bere senide eta gertuko lagunei.
ELAko militanteok eta zuzendaritzak uste dute pribilegioa izan dela bere adiskide izatea. Pertsona eredugarria izan da, benetako nekazari eta sindikalista eta goitik beherako lider abertzale buruargia. Bestalde, tradizio politiko oso ezberdinetako jendeak aitortu izan du bere figura, gure herrian nahiz mugetatik haratago. Harekin ikusmoldeak eta borrokak partekatu izan ditugu, esaterako Euskal Herriko Laborantza Ganbararen ingurukoa, zeinaren lehendakari ere izan zen. Azken urteetan erreferentziazko militantea izan da bakearen, ETAren armagabetzearen eta euskal presoen agendan. (...)

Txomin

Lucien Etxezaharreta - Hitzaren hartzea, hunkituak eta penatuak zirezten erdian neke zait, bainan ohore bat ere, hemen bilduak eta etorri ahal ez direnen izenean, zuri eta zutaz hitz batzuen erraitea. Gure artean maitasun hitz gutiegi entzuten da, eta ez da laket pentsatzea heriotz baten ondotik baizik ez dela hori gertatzen. (...)
Egun, Txomin, betiereko argi hortan sartzekotan zira, hauts bilakatuko zirela, bai, bainan izarren hautsean, eta hortik bizigai, bizia berriz sortuz betierean. Milesker Txomin eman dizkiguzun hazien gatik. Gora Txomin! (...)

Euskal Herriko mendi tontorren igoera

Bake Bidea - Larunbatean, maiatzaren 8an mila lagun Ipar Euskal Herriko mendietara igo dira.Bertan ozen aldarrikatu dute beren nahia: bakea eraiki, gatazkaren jatorria eta ondorioak konpondu. Egindako urratsek helburu argia dute: euskal presoen egoera konpontzea eta elkarbizitza eta bakea lortzeko bidean aitzina egitea.
Dinamikak segituko du datozen aste eta hilabeteetan. Gaurdanik gomita luzatua da uztailaren 10ean antolatzen den 31 km-ko martxara Baionatik Donibane Lohitzunera. Bertan eskatuko dugu 31 urtez preso diren Ion eta Unai Parot baita Jakes Esnalen askatasuna. Martxa honi begira beste hitzordu eta ekimenak proposatuko dira, beraz adi egon! (...)

« Departamenduaren geroak ez gaitu kezkatzen baina bai departamendu mailako zerbitzu publikoak »

EHBai, ipar Euskal Herriko 12 kantonamenduetan aurkeztuko da heldu den ekainaren 20 eta 27an iraganen diren hauteskunde departamentaletan.
Gure irudiko, Departamendua epe luzera desagertu beharko da, biharko estatu bereziko Lurralde Kolektibitate baterako mesederako. Baina bitartean, Departamendu mailan kokatzen diren politika sozialen segimendua egitea ezinbestekoa zaigu, gure egunerokotasuna baldintzatzen dutelako. (...) Horrek gaitu, besteak beste, bultzatzen hauteskunde horietan parte hartzera. (...)

Maintenir le rapport de force pour développer les mobilités douces

Ce jeudi 22 avril, à l'occasion de la journée internationale de la terre, Bizi et Txirrind'Ola appellent à accélérer la transition vers des mobilités préservant le climat et la santé publique.
A 10h30, les automobilistes étonnés pouvaient voir 3 vélos à pistes cyclables auto-portées tourner en boucle autour du rond-point de la Butte-aux-cailles sur le boulevard du BAB. Le premier était piloté par une jeune fille figurant la porte-parole internationale des jeunes pour le climat, Greta Thunberg, pendant que suivaient deux cyclistes aux masques de Joe Biden, président des Etats-Unis, et Jean-François Irigoyen, président du Syndicat des Mobilités Pays Basque-Adour. (...)

« Gure mobilizazio kolektibo, solidario eta hutsik gabekoa, emazteekin eta emazteentzat, beharrezkoa da! »

KOLEKTIBOA - Sexismoa ideologia bat da, emakumeek gizonekiko duten gutxiagotasuna postulatzean oinarritzen dena, alde batetik, eta bestetik, hainbat adierazpen, itxuraz hutsalenetarik (oharretarik) larrienetara (bortxaketak, hilketak) doazenak. Adierazpen horien helburua da emakumeak deslegitimatzea, estigmatizatzea, umiliatzea edo bortxatzea, eta eragina dute haiengan (autoestimua, osasun psikiko eta fisikoa eta portaerak aldatzea).
Argi izateko, borrokatuko gara eta adi egonen gara emakume guziek beren eskubideak eskuratzeko aukera izan dezaten, askatasun osoaren gozatzeko parada ukan dezaten eta patriarkatuaren manuetarik aska daitezen. (...)

Bozka historikoa lurralde hizkuntzen alde

Euskal Konfederazioa - Paul Molac diputatu bretoiak 2019ko abenduan pausatu lurralde hizkuntzen aldeko lege proposamena goiz honetan bozkatu du frantses Legebiltzarrak, bigarren irakurketan. Eztabaidak eta bozkak iragan aitzin azpimarratzen genuen bezala, historikoa da goiz honetan gertatu dena: lehen aldia da 1951ean Deixonne legea bozkatu zenetik lurralde hizkuntzei buruzko lege bat onartzen dutela.
Ondareari, seinaletikari eta estatu zibileko aktei buruzko artikuluak Legebiltzarrean (lehen irakurketan) eta Senatuan (lehen irakurketan ere) jadaneko onartu ondotik, irakaskuntzari buruzko lau artikulu ziren berriz eztabaidatzekoak eta bozkatzekoak Legebiltzarrean, bigarren irakurketan. Horrela, apirilaren 8ko bozkarekin lau artikulu horiek ere bi ganbarek onarturik, lege proposamena lege bilakatuko da, horrek irakaskuntza mailan -bereziki- aitzinamendu handia suposatzen duelarik. (...)