25/09/2026

Étiquette : Basque

Articles

Korapiloa askatzen

Ainize Butronpar Ainize Butron
Enbata Hilabetekariko Sar Hitza - Poza eta lotsa, aurpegiaren bi aldeak parekatu zaizkigu maiatzaren 25eko asteburuan. Bi alde, bi gai, eta, beraz, bi sentimendu kontraesankorrak piztu zaizkigu Euskal Herrian. Poza, ustekabean, Parisetik etorri zaigu. Borroka luzearen ondotik euskaltzale guziek gozatu ahal izan duten garaipen polit bat lortu dute. (...)
Urteetan askaezina zirudien euskarazko azterketen korapiloa askatzen hasia dela ematen duelarik, korapilo ilun bat agertu zaigu Bizkaiko Loiuko aireportutik. Beldurgarria, lotsagarria eta, bereziki kezkagarria eta larria egiten zaigun korapiloa da hau. Gazak jasaten duen blokeo egoera hausteko Sumud Global Flotilla izeneko misio zibil humanitarioa abiatu zen bertara. Israelek Flotillaren aurka jo, eta ehunez goiti atxilotutakoei abusuak eta tratu txarrak jasanarazi zizkien, haien artean lau Euskal Herritarri. (...)

Azterketak euskaraz, orain

Tribune Librepar Tribune Libre
Amaia Galantek eta Xantxo Ernagak oroitarazten digute "Azterketak Euskaraz" borrokak brebetan garaipenak ekarri zituela, baina Frantziako Estatuak oztopo berriak ezartzen segitzen duela.
Ikasle, guraso eta irakasleek mobilizazio eta desobedientziaren bidea berriz hartu dute. (...)

Lan-mundua, giltza nagusia

Tribune Librepar Tribune Libre
Bai Euskarari Elkarteak lan-munduaren euskalduntzea du ardatz, transmisio-kate osoa aktibatuz. Aitzinapausuak nabariak badira ere… inertziak handiak dira oraino.
Azaroaren 21eko Euskalgintzaren manifestaldian, eskubideak aldarrikatzera eta sektore guzien indarra erakustera deitzen du elkarteak. (...)

Gure elkarte maiteak

Elise Diletpar Elise Dilet
Elkarteek gure gizartearen oinarri sendoa osatzen dute, nahiz eta hauskorrak eta baliabide urrikoak izan.
Kontraerran eta zailtasunen gainetik, engaiamendu kolektiboak eta sormenak indar eraldatzailea ematen diote etorkizunari. (...)

Ondoko lau asteetan, aitzinamenduak lortu behar ditugu, bai ala bai!

Tribune Librepar Tribune Libre
AZTERKETAK EUSKARAZ - Aste huntan, Bernat Etxepare lizeoko leheneko ikasleek, hilabete baten buruan matematikako etsamina euskaraz pasatuko dutela jakinarazi dute, haien kopiak ez zuzentzeko arriskua izanik ere. Azterketak Euskaraz kolektibotik nahi dakotegu gure sustengu guzia helarazi eta goresmenak eman ukan duten kuraiagatik. Sustengutik at, egun zuen aitzinean, buraso eta erakasle gisa, azkarki salatzen dugu ez dugula onartzen gure haurrak mespretxatuak izan ditezen eta koletiboak dena eginen duela, euskaraz idatziriko kopia guziak zuzenduak izaiteko. (...)
Azkenik, jendarte guzia gomitatzen dugu, ondoko egunetan antolatuak izanen diren mobilizioetan parte hartzera. Batez ere, ekainaren 6an Bordaleko errektoretzaren aitzinean iraganen den manifestazio aldarrikatzaile eta zaratatsura etorriz. Halaber, gazteer gure sustengua adierazteko eta errektoretzarengandik euskaraz idatziriko kopiak zuzenduak izanen direla segurtatzeko, autobusak antolatuak izanen dira ekimen horren kari. Gazte, ez hain gazte, buraso, hautetsi, erakasle, anitz izan beharko baikara matematika etsaminetik 6 egunetara iraganen den mobilizazio horretan.(...)